Almaty men Astana arasyndaǵy baǵa aiyrmashylyǵy jyldam qysqaryp keledi. Eger birneshe jyl buryn elorda naryǵy ońtústik astanadan 30–40%-ǵa artta bolsa, búginde aiyrmashylyq is júzinde joiyldy.
Qazaq Expert Club qurylys salasynyń sarapshysy Diliara Seitnýrova aitýynsha, Almatyda bastapqy turǵyn úidiń ortasha baǵasy 1 sharshy metrge 719,6 myń teńgeni, al qaitalama naryqta – 741 myń teńge. Astanada bul kórsetkishter tiisinshe 715,4 myń jáne 727,5 myń teńge deńgeiinde, dep habarlaidy Dalanews.kz.
Osylaisha, eki iri naryq arasyndaǵy aiyrmashylyq 2%-dan da tómen deńgeige deiin qysqardy.
«Buryn aiyrmashylyq aiqyn bolatyn, qazir ol is júzinde joiyldy. Biz elorda naryǵynyń belsendi ósýi aiasynda baǵalardyń teńesýin kórip otyrmyz», – deidi sarapshy.
Sonymen qatar, onyń aitýynsha, Almaty naryǵy segmentterge kóbirek bólingen. Mysaly, Alataý jáne Naýryzbai aýdandarynda ekonom-klass turǵyn úiiniń baǵasy 480–550 myń teńge bolsa, komfort-klassta – 650–780 myń teńge/m². Bostandyq jáne Áýezov aýdandarynda (Abai dańǵylynan joǵary) baǵalar 800 myńnan 1,5 mln teńgege deiin jetedi, al Medeý aýdanynda (elit segment) 1,5 mln teńgeden asady.
Astanada baǵa diapazony jańa aýdandardyń belsendi damýy esebinen qalyptasady. Atap aitqanda, Saryarqa aýdanynda turǵyn úi quny 315–500 myń teńge/m², Nura aýdanynda (Turan, Uly Dala, Úrker) – 525–595 myń teńge/m², Esil aýdanynda (EXPO mańy) – 530 myńnan 1,1 mln teńgege deiin.
«2025 jyldyń jeltoqsanynda elordada mámilelerdiń tarihi maksimýmy tirkeldi. 2026 jyldyń birinshi toqsanynyń qorytyndysy boiynsha jarnamalardaǵy baǵa ósimi Almatydaǵy 1%-ǵa qarsy shamamen 7% boldy. Oń migratsiialyq saldo Astana naryǵyna qysymdy jalǵastyryp, baǵanyń ósýiniń negizgi draiverleriniń biri bolyp otyr», – deidi Seitnýrova.
Investitsiia turǵysynan da naryqtar ártúrli tabystylyq profilin kórsetedi.
Sarapshynyń aitýynsha, Almatyda bir bólmeli páterdi jalǵa berý quny ortalyqta shamamen 365 myń teńge, shetki aýdandarda – 238 myń teńge. Jyldyq tabystylyq 5–7%-ǵa jetedi, al ótelý merzimi – 13–15 jyl.
Al Astanada bir bólmeli páterdiń jaldaý quny ortalyqta orta eseppen 259 myń teńge, shetki aýdandarda – 173 myń teńge, tabystylyq deńgeii 7–9%.
Sonymen qatar, Colliers Kazakhstan derekterine sáikes, elordanyń jekelegen aýdandarynda eki bólmeli páterler boiynsha naqty tabystylyq baǵa ósimin eskere otyryp 13%-ǵa deiin jetýi múmkin. Ótelý merzimi – 10–12 jyl.
Sarapshynyń baǵalaýynsha, qalany tańdaý kóbine satyp alýshynyń strategiiasyna bailanysty.
«Eger maqsat – turý jáne kapitaldy saqtaý bolsa, Almaty naryǵy turaqtyraq: munda jalǵa alýshylardyń tólem qabilettiligi joǵary jáne bos turý táýekeli tómen. Al baǵanyń ósýine investitsiialaý týraly aitsaq, Astana naryǵy qyzyǵyraq, sebebi munda baǵalar joǵary qarqynmen ósip keledi», – deidi Seitnýrova.
