Jalpy jármeńke sóresine 61 tonna et, 50 tonna kókónis, 5 tonna balyq, 5 tonna keptirilgen jemis, 8 tonna sút, 2 tonna shubat,10 myń dana jumyrtqa shyǵaryldy. Sondai-aq 6 tonnaǵa jýyq ósimdik maiy men bal ónimderi alymsaq nazaryna usynyldy.
Búginde oblystyń aýyl sharýashylyǵy jalpy óniminiń úlesi respýblikaǵa shaqqanda 12,3 paiyzdy quraidy. Al, jalpy óndirilgen ónimder boiynsha maqtanyń – 100, júzimniń – 68,5, baqshanyń – 61, jemis-jidektiń – 38, maqsarynyń – 36, kókónistiń – 25, júgeriniń – 23, súttiń –13,5, ettiń – 12,3 paiyzy Ońtústikte óndiriledi. Bul oblystyń agrarlyq saladaǵy eksporttyq jáne áleýetiniń joǵarǵy ekendigin kórsetedi.
Aǵymdaǵy jyldan bastap Ońtústikte memleket basshysynyń tapsyrmasyna sáikes, aýyl sharýashylyǵy óndiristik kesheniniń 2017-2021 jyldarǵa arnalǵan memlekettik baǵdarlamasy qabyldanyp, tiisti jumystar atqarylýda. Baǵdarlamanyń negizgi maqsaty - memlekettik qoldaýlar men qarjylyq quraldardy shaǵyn jáne orta bizneske jáne kooperatsiialar júiesin damytýǵa baǵyttap, aýyl turǵyndarynyń ál aýqaty men eńbek ónimdiligin arttyrý.
Búgingi kúnniń ózinde oblysta 25 myńnan astam jeke jáne qosalqy fermerlik sharýashylyqtardyń basyn biriktiretin 304 kooperativ qurylǵan. Olardyń birqatary memleketten qarjylai qoldaý alyp, órisin keńeitýge kirisken.
OQO ákiminiń baspasóz qyzmeti
