جالپى جارمەڭكە سورەسىنە 61 توننا ەت، 50 توننا كوكونىس، 5 توننا بالىق، 5 توننا كەپتىرىلگەن جەمىس، 8 توننا ءسۇت، 2 توننا شۇبات،10 مىڭ دانا جۇمىرتقا شىعارىلدى. سونداي-اق 6 تونناعا جۋىق وسىمدىك مايى مەن بال ونىمدەرى الىمساق نازارىنا ۇسىنىلدى.
بۇگىندە وبلىستىڭ اۋىل شارۋاشىلىعى جالپى ءونىمىنىڭ ۇلەسى رەسپۋبليكاعا شاققاندا 12،3 پايىزدى قۇرايدى. ال، جالپى وندىرىلگەن ونىمدەر بويىنشا ماقتانىڭ – 100، ءجۇزىمنىڭ – 68،5، باقشانىڭ – 61، جەمىس-جيدەكتىڭ – 38، ماقسارىنىڭ – 36، كوكونىستىڭ – 25، جۇگەرىنىڭ – 23، ءسۇتتىڭ –13،5، ەتتىڭ – 12،3 پايىزى وڭتۇستىكتە وندىرىلەدى. بۇل وبلىستىڭ اگرارلىق سالاداعى ەكسپورتتىق جانە الەۋەتىنىڭ جوعارعى ەكەندىگىن كورسەتەدى.
اعىمداعى جىلدان باستاپ وڭتۇستىكتە مەملەكەت باسشىسىنىڭ تاپسىرماسىنا سايكەس، اۋىل شارۋاشىلىعى وندىرىستىك كەشەنىنىڭ 2017-2021 جىلدارعا ارنالعان مەملەكەتتىك باعدارلاماسى قابىلدانىپ، ءتيىستى جۇمىستار اتقارىلۋدا. باعدارلامانىڭ نەگىزگى ماقساتى - مەملەكەتتىك قولداۋلار مەن قارجىلىق قۇرالداردى شاعىن جانە ورتا بيزنەسكە جانە كووپەراسيالار جۇيەسىن دامىتۋعا باعىتتاپ، اۋىل تۇرعىندارىنىڭ ءال اۋقاتى مەن ەڭبەك ونىمدىلىگىن ارتتىرۋ.
بۇگىنگى كۇننىڭ وزىندە وبلىستا 25 مىڭنان استام جەكە جانە قوسالقى فەرمەرلىك شارۋاشىلىقتاردىڭ باسىن بىرىكتىرەتىن 304 كووپەراتيۆ قۇرىلعان. ولاردىڭ ءبىرقاتارى مەملەكەتتەن قارجىلاي قولداۋ الىپ، ءورىسىن كەڭەيتۋگە كىرىسكەن.
وقو اكىمىنىڭ باسپا ءسوز قىزمەتى
