Shymkent qalasynda jeldiń kúshi sekýndyna 15-20 metrge deıin jetti. Qolaısyz aýa raıynyń saldarynan qaladaǵy Nursát, Taraz, Soltústik - Shyǵys shaǵyn aýdandarynda elektr qýaty apatty óshken bolatyn. Keı kóshelerde baǵdarshamdar jumys istemeı qaldy, – dep habarlaıdy Dalanews.kz Shymkent qalasy ákimdiginiń baspasóz qyzmetine silteme jasap.

Búgin saǵat 07:15-te «Vostochnaıa» 110/10 kV qosalqy stansıasynan  27 uıashyqtan shyǵatyn 10 kV áýe jelisinde qatty jel saldarynan ızolátor ornynan shyǵyp ketip, jeliler aıqasýy oryn aldy.

Osynyń saldarynan elektr qýaty apatty óship, basqa jelige aýystyrý jumystarynan soń Nursát shaǵyn aýdanyna elektr qýaty berildi. Qalǵan 2 shaǵyn aýdandy elektr qýatyna qosý úshin basqa jelige aýystyrý jumystary júrgizilýde.

Shymkent qalalyq energetıka jáne komýnaldyq sharýashylyǵy basqarmasynyń mamandary qala turǵyndarynan azdap keltirilgen qolaısyzdyqtar úshin keshirim surap, elektr qýatyn retke keltirý úshin arnaıy brıgada jumyldyrylyp, tıisti jumystar júrgizilip jatqanyn baıandady.