Shymkentte qaiǵyly jaǵdai tirkeldi. “Stýdenttik qalashyq” shaǵynaýdanyndaǵy kópqabatty úidiń úsh páterinen tórt adamnyń máiiti tabyldy, dep habarlaidy Dalanews.kz.
Turǵyndar “Kriminalnyi Kazahstan” telegram arnasyna úide birneshe kún boiy gazdyń iisi sezilgenin jetkizgen. Alaida bul jaǵdaiǵa bailanysty naqty sharalar qabyldanbaǵan.
“Aldymen 20 jastaǵy stýdent qyzdyń máiiti tabylǵan. Páter iesi úidi tekserýge kelgen kezde jýynatyn bólmeniń esigi ishinen jabyq turǵanyn baiqaidy. Esikti ashqan kezde qyzdyń vanna ishinde jansyz jatqanyn kóredi. Osydan keiin oqiǵa ornyna politsiia men qutqarýshylar shaqyrylǵan”, - deidi derekkóz.
Tekserý barysynda quzyrly organdar podezdegi ózge páterlerdi de aralap shyqqan. Sonyń nátijesinde taǵy úsh adamnyń máiiti anyqtaldy. Bir páterden 31 jastaǵy áiel men 16 jastaǵy qyzdyń, al ekinshi qabattaǵy páterlerdiń birinen 23 jastaǵy jigittiń denesi tabylǵan.
Shymkent qalalyq politsiia departamenti atalǵan oqiǵa boiynsha adam ólimine ákelip soqqan qyzmet kórsetý faktisi boiynsha qylmystyq is qozǵalǵanyn habarlady. Qazirgi ýaqytta oqiǵanyń mán-jaiy anyqtalyp jatyr.
