Qarjy monitringi agenttiginiń Shymkent qalasy boiynsha departamenti prokýratýranyń úilestirýimen "Aiala Gold" qarjy piramidasynyń qyzmetin toqtatty. Zergerlik buiymdardy satatyn kompaniia retinde ózderin búrkemelegen kúdiktiler azamattarǵa ai saiyn 50–60% kóleminde kepildendirilgen tabys ýáde etip, investitsiia salýdy usynǵan. Tólemder naqty paida esebinen emes, jańa qatysýshylardan túsken qarajat esebinen júzege asyrylǵan, dep habarlaidy Dalanews.kz.
"Saldarynan qarjylyq piramidaǵa 400-den astam salymshy tartylyp, olar 1 milliard teńgeden astam qarajat salǵan. Kúdiktiler qylmystyq jolmen alynǵan tabysqa boi kóterip jatqan turǵyn úi kesheninen eki páter satyp alǵan. Sot sanktsiiasymen bul páterlerge tyiym salyndy. Budan bólek, kúdiktiler óz týystaryn qarjylyq shemaǵa tartyp, olardy "dropper" retinde paidalanǵan, iaǵni basqa salymshylardan túsken qarajatty olardyń bank rekvizitteri arqyly qolma-qol aqshaǵa ainaldyrǵan", delingen QMA habarlamasynda.
Qarjylyq piramidanyń uiymdastyrýshysy eki ai merzimge qamaýǵa alyndy.
QR QPK-niń 201-babyna sáikes, ózge aqparat jariia etilmeidi.
Buǵan deiin Almatyda tender mahinatsiiasy áshkerelengenin jazǵanbyz.
