Shymkentte jasóspirim kishkentai qyzdy kóshede ustap alyp, zorlamaq bolǵan. Oqiǵa 1 aqpanda bolǵan. Kúdiktiniń áreketi kóshedegi beinebaqylaý kamerasyna túsip qalǵan, dep habarlaidy Dalanews.kz.
Qalalyq politsiia departamenti oqiǵaǵa qatysty aqparatty rastady. Vedomstvonyń málimetinshe, balanyń ata-anasy politsiiaǵa aryzben júgingen. Atalǵan derek boiynsha qylmystyq is qozǵaldy.
Kúdikti jasóspirim izin sýytpai ustalyp, ýaqytsha ustaý izoliatoryna qamalǵan. Sonymen qatar onyń ata-anasy da politsiia bólimshesine jetkizilgen.
"1 aqpanda politsiiaǵa jasóspirimniń kámeletke tolmaǵan qyzdy ustap alyp, oǵan qatysty zańsyz áreket jasaýǵa talpynǵany týraly aryz tústi. Politsiia qyzmetkerleri oqiǵa ornyna jedel jetti", – dep habarlady Shymkent qalasynyń politsiia departamenti.
Qyzben psihologtyń qatysýymen áńgime júrgizildi. Qazirgi tańda onyń ómiri men densaýlyǵyna qaýip tónip turǵan joq. Tergeý amaldary jalǵasyp jatyr.
