شىمكەنتتە جاسٶسپٸرٸم كٸشكەنتاي قىزدى كٶشەدە ۇستاپ الىپ, زورلاماق بولعان. وقيعا 1 اقپاندا بولعان. كٷدٸكتٸنٸڭ ەرەكەتٸ كٶشەدەگٸ بەينەباقىلاۋ كامەراسىنا تٷسٸپ قالعان, دەپ حابارلايدى Dalanews.kz.
قالالىق پوليتسييا دەپارتامەنتٸ وقيعاعا قاتىستى اقپاراتتى راستادى. ۆەدومستۆونىڭ مەلٸمەتٸنشە, بالانىڭ اتا-اناسى پوليتسيياعا ارىزبەن جٷگٸنگەن. اتالعان دەرەك بويىنشا قىلمىستىق ٸس قوزعالدى.
كٷدٸكتٸ جاسٶسپٸرٸم ٸزٸن سۋىتپاي ۇستالىپ, ۋاقىتشا ۇستاۋ يزولياتورىنا قامالعان. سونىمەن قاتار ونىڭ اتا-اناسى دا پوليتسييا بٶلٸمشەسٸنە جەتكٸزٸلگەن.
"1 اقپاندا پوليتسيياعا جاسٶسپٸرٸمنٸڭ كەمەلەتكە تولماعان قىزدى ۇستاپ الىپ, وعان قاتىستى زاڭسىز ەرەكەت جاساۋعا تالپىنعانى تۋرالى ارىز تٷستٸ. پوليتسييا قىزمەتكەرلەرٸ وقيعا ورنىنا جەدەل جەتتٸ", – دەپ حابارلادى شىمكەنت قالاسىنىڭ پوليتسييا دەپارتامەنتٸ.
قىزبەن پسيحولوگتىڭ قاتىسۋىمەن ەڭگٸمە جٷرگٸزٸلدٸ. قازٸرگٸ تاڭدا ونىڭ ٶمٸرٸ مەن دەنساۋلىعىنا قاۋٸپ تٶنٸپ تۇرعان جوق. تەرگەۋ امالدارى جالعاسىپ جاتىر.
