Balabaqshada búldirshindi aiaǵynan súirep, ony uryp-soqqan tárbieshi qylmystyq jaýapqa tartylmaityn boldy, dep habarlaidy Dalanews.kz.
Ol “tárbieleý mekemesi jumyskeriniń kámeletke tolmaǵan adamǵa qatygezdik tanytý” baby boiynsha aiyptalǵan edi. Sotta áieldiń kinási tolyq dáleldense de, tárbieshi men jábirlenýshi taraptyń tatýlasýyna bailanysty oǵan eshqandai shara qabyldanbady.
"Sottalýshy óziniń kinásin moiyndap, shynaiy ókinish bildirip, jábirlenýshiniń zańdy ókilinen keshirim surady. Onymen tatýlasyp, oǵan keltirgen materialdyq jáne moraldyq zalaldy tolyq óteýine bailanysty sot QK-niń 68-baby 1-bóligine sáikes, qylmystyq isti toqtatyp, sottalýshyny qylmystyq jaýaptylyqtan bosatty. Sot qaýlysy zańdy kúshine engen joq", - dep málimdedi Shymkent qalalyq sotynyń baspasóz qyzmeti Otyrar.kz agenttigine.
Eske salaiyq, oqiǵa qyrkúiek aiynda bolǵan edi. Álemjelide taraǵan videodan tárbieshiniń balany aiaýsyz uryp, aiaǵynan súirep, tósekke kúshpen jatqyzǵanyn kórýge bolady.
Boljam boiynsha, atalǵan oqiǵa "Súleimen" atty jekemenshik balabaqshada oryn alǵan.
Oqý-aǵartý ministrligi atalǵan jaǵdaidan soń tárbieshi jumystan bosatylǵanyn málimdedi. Sonymen qatar tergeý amaldary júrgizilip qylmystyq is qozǵalǵan edi.
