بالاباقشادا ءبۇلدىرشىندى اياعىنان سۇيرەپ، ونى ۇرىپ-سوققان تاربيەشى قىلمىستىق جاۋاپقا تارتىلمايتىن بولدى، دەپ حابارلايدى Dalanews.kz.

ول “تاربيەلەۋ مەكەمەسى جۇمىسكەرiءنىڭ كامەلەتكە تولماعان ادامعا قاتىگەزدىك تانىتۋ” بابى بويىنشا ايىپتالعان ەدى. سوتتا ايەلدىڭ كىناسى تولىق دالەلدەنسە دە، تاربيەشى مەن جابىرلەنۋشى تاراپتىڭ تاتۋلاسۋىنا بايلانىستى وعان ەشقانداي شارا قابىلدانبادى.

"سوتتالۋشى ءوزىنىڭ كىناسىن مويىنداپ، شىنايى وكىنىش ءبىلدىرىپ، جابىرلەنۋشىنىڭ زاڭدى وكىلىنەن كەشىرىم سۇرادى. ونىمەن تاتۋلاسىپ، وعان كەلتىرگەن ماتەريالدىق جانە مورالدىق زالالدى تولىق وتەۋىنە بايلانىستى سوت قك-نىڭ 68-بابى 1-بولىگىنە سايكەس، قىلمىستىق ءىستى توقتاتىپ، سوتتالۋشىنى قىلمىستىق جاۋاپتىلىقتان بوساتتى. سوت قاۋلىسى زاڭدى كۇشىنە ەنگەن جوق"، - دەپ مالىمدەدى شىمكەنت قالالىق سوتىنىڭ باسپا ءسوز قىزمەتى Otyrar.kz اگەنتتىگىنە. 

ەسكە سالايىق، وقيعا قىركۇيەك ايىندا بولعان ەدى. الەمجەلىدە تاراعان ۆيدەودان تاربيەشىنىڭ بالانى اياۋسىز ۇرىپ، اياعىنان سۇيرەپ، توسەككە كۇشپەن جاتقىزعانىن كورۋگە بولادى.

بولجام بويىنشا، اتالعان وقيعا "سۇلەيمەن" اتتى جەكەمەنشىك بالاباقشادا ورىن العان.  

وقۋ-اعارتۋ مينيسترلىگى اتالعان جاعدايدان سوڭ تاربيەشى جۇمىستان بوساتىلعانىن مالىمدەدى. سونىمەن قاتار تەرگەۋ امالدارى جۇرگىزىلىپ قىلمىستىق ءىس قوزعالعان ەدى.