Shymkent qalasynda 17 jastaǵy jasóspirim avtobýs júrgizýshisin aiaýsyz uryp-soqty degen kúdikpen qamaýǵa alyndy, dep habarlaidy Dalanews.kz Otyrar.kz-ke silteme jasap.
Oqiǵa 12 maýsym kúni “Bekjan” bazarynyń mańynda №52 baǵytyndaǵy avtobýsta bolǵan. 34 jastaǵy júrgizýshi — Maqsat Jolaevtyń aitýynsha, ol jasóspirimnen jolaqysyn tóleýdi suraǵan. Alaida jaýap retinde bala oǵan til tigizip, avtobýstan túsýin talap etken.
“Men syrtqa shyqtym. Úsh jigit daiyn kútip tur eken. Bireýi basymnan balǵamen urdy. Ekinshisiniń qolynda kastet boldy. Betimnen birneshe ret uryp, betimdi jyryp jiberdi. Sodan keiin esimnen tanyp qaldym. Odan keiin ne bolǵany esimde joq”, – deidi Maqsat Jolaev.
Júrgizýshi esinen tanyp qalǵan. Jedel járdemdi aialdamada turǵan kýágerler shaqyrǵan. Basynan aýyr jaraqat alǵan er adam aýrýhanaǵa jetkizilip, jansaqtaý bólimine jatqyzyldy. Qazirgi tańda ol jalpy palataǵa aýystyrylǵanymen, dárigerler onyń jaǵdaiyn ortasha aýyr dep baǵalap otyr.
Politsiia 17 jastaǵy kúdiktini ustady. Qazir oǵan qatysty Qylmystyq kodekstiń “Densaýlyqqa qasaqana aýyr ziian keltirý” baby boiynsha is qozǵalyp, sot ony eki aiǵa qamaýǵa alý týraly sheshim shyǵardy.
