شىمكەنت قالاسىندا 17 جاستاعى ءجاسوسپىرىم اۆتوبۋس جۇرگىزۋشىسىن اياۋسىز ۇرىپ-سوقتى دەگەن كۇدىكپەن قاماۋعا الىندى، دەپ حابارلايدى Dalanews.kz Otyrar.kz-كە سىلتەمە جاساپ. 

وقيعا 12 ماۋسىم كۇنى “بەكجان” بازارىنىڭ ماڭىندا №52 باعىتىنداعى اۆتوبۋستا بولعان. 34 جاستاعى جۇرگىزۋشى — ماقسات جولايەۆتىڭ ايتۋىنشا، ول جاسوسپىرىمنەن جولاقىسىن تولەۋدى سۇراعان. الايدا جاۋاپ رەتىندە بالا وعان ءتىل تيگىزىپ، اۆتوبۋستان ءتۇسۋىن تالاپ ەتكەن.

“مەن سىرتقا شىقتىم. ءۇش جىگىت دايىن كۇتىپ تۇر ەكەن. بىرەۋى باسىمنان بالعامەن ۇردى. ەكىنشىسىنىڭ قولىندا كاستەت بولدى. بەتىمنەن بىرنەشە رەت ۇرىپ، بەتىمدى جىرىپ جىبەردى. سودان كەيىن ەسىمنەن تانىپ قالدىم. ودان كەيىن نە بولعانى ەسىمدە جوق”، – دەيدى ماقسات جولايەۆ.

جۇرگىزۋشى ەسىنەن تانىپ قالعان. جەدەل جاردەمدى ايالدامادا تۇرعان كۋاگەرلەر شاقىرعان. باسىنان اۋىر جاراقات العان ەر ادام اۋرۋحاناعا جەتكىزىلىپ، جانساقتاۋ بولىمىنە جاتقىزىلدى. قازىرگى تاڭدا ول جالپى پالاتاعا اۋىستىرىلعانىمەن، دارىگەرلەر ونىڭ جاعدايىن ورتاشا اۋىر دەپ باعالاپ وتىر.

پوليسيا 17 جاستاعى كۇدىكتىنى ۇستادى. ءقازىر وعان قاتىستى قىلمىستىق كودەكستىڭ “دەنساۋلىققا قاساقانا اۋىر زيان كەلتىرۋ” بابى بويىنشا ءىس قوزعالىپ، سوت ونى ەكى ايعا قاماۋعا الۋ تۋرالى شەشىم شىعاردى.