Qyztai ájei 7 qyrkúiek kúni Asar shaǵyn aýdanyndaǵy juqpaly aýrýlar ortalyǵyna aýyr halde jedel járdem kóligimen jetkizilgen-di. Dárigerler naýqasqa ókpeniń kompiýterlik tomografiiasyn jasap, ájeidiń ókpe tininiń 55% zaqymdalǵany anyqtaǵan. Buǵan qosa qart kisini asqazanyndaǵy jarasy mazalapty.
Dárigerler naýqasty bólimshege jatqyzyp, virýsqa qarsy terapiialyq em júrgizgen. Nátijesinde qart ana tolyǵymen aiyǵyp, dál týǵan kúninde aýrýhanadan úiine shyqty. Dárigerlerge alǵysyn bildirip, aq batasyn berdi.
«Túsken kezde jaǵdaiy aýyr bolatyn. Hattamaǵa sáikes em júrgizdik. Qazir jaǵdaiy bir qalypty», - dedi emdeýshi dárigeri Tilenshina Lázzat.
Shymkent qalasynyń densaýlyq saqtaý basqarmasy
