قىزتاي اجەي 7 قىركۇيەك كۇنى اسار شاعىن اۋدانىنداعى جۇقپالى اۋرۋلار ورتالىعىنا اۋىر حالدە جەدەل جاردەم كولىگىمەن جەتكىزىلگەن-دى. دارىگەرلەر ناۋقاسقا وكپەنىڭ كومپيۋتەرلىك توموگرافياسىن جاساپ، اجەيدىڭ وكپە ءتىنىنىڭ 55% زاقىمدالعانى انىقتاعان. بۇعان قوسا قارت كىسىنى اسقازانىنداعى جاراسى مازالاپتى.
دارىگەرلەر ناۋقاستى بولىمشەگە جاتقىزىپ، ۆيرۋسقا قارسى تەراپيالىق ەم جۇرگىزگەن. ناتيجەسىندە قارت انا تولىعىمەن ايىعىپ، ءدال تۋعان كۇنىندە اۋرۋحانادان ۇيىنە شىقتى. دارىگەرلەرگە العىسىن ءبىلدىرىپ، اق باتاسىن بەردى.
«تۇسكەن كەزدە جاعدايى اۋىر بولاتىن. حاتتاماعا سايكەس ەم جۇرگىزدىك. ءقازىر جاعدايى ءبىر قالىپتى»، - دەدى ەمدەۋشى دارىگەرى تىلەنشينا ءلاززات.
شىمكەنت قالاسىنىڭ دەنساۋلىق ساقتاۋ باسقارماسى
