Shymkent pen Túrkistan oblysynyń 15 turǵyny alaiaqtyqtyń qurbany boldy. Ózin bilikti zańger retinde tanystyrǵan er adam sengish azamattarǵa biznes josparyn júzege asyrý úshin memleketten qaitarymsyz grant pen arnaiy tólem alyp berýge kómektesetinin aitqan. Osylaisha, olardy san soqtyrǵan, - dep habarlaidy Dalanews.kz tilshisi otyrar.kz basylymyna silteme jasap.
Mundai "qyzmettiń" quny 200 myńnan 2,5 million teńgege deiin baǵalanǵan.
Ýáde etilgenin qyzmetti almaǵan jábirlenýshiler alaiaqtyń ailasyna túsip qalǵandaryn túsinip, politsiiaǵa aryzdanǵan. Olarǵa keltirgen jalpy shyǵyn somasy 32 million teńge bolady.
Jedel izdestirý jumystary barysynda Turan aýdandyq politsiia basqarmasynyń kriminaldyq politsiia bóliminiń jedel ýákilderi kúdiktini ustady.
Qazir birneshe ret alaiaqtyq jasaǵany úshin kúdikke ilingen er adam qamaýda otyr.
