شىمكەنت پەن تۇركىستان وبلىسىنىڭ 15 تۇرعىنى الاياقتىقتىڭ قۇربانى بولدى. ءوزىن بىلىكتى زاڭگەر رەتىندە تانىستىرعان ەر ادام سەنگىش ازاماتتارعا بيزنەس جوسپارىن جۇزەگە اسىرۋ ءۇشىن مەملەكەتتەن قايتارىمسىز گرانت پەن ارنايى تولەم الىپ بەرۋگە كومەكتەسەتىنىن ايتقان. وسىلايشا، ولاردى سان سوقتىرعان، - دەپ حابارلايدى Dalanews.kz ءتىلشىسى otyrar.kz باسىلىمىنا سىلتەمە جاساپ.

مۇنداي "قىزمەتتىڭ" قۇنى 200 مىڭنان 2،5 ميلليون تەڭگەگە دەيىن باعالانعان.

ۋادە ەتىلگەنىن قىزمەتتى الماعان جابىرلەنۋشىلەر الاياقتىڭ ايلاسىنا ءتۇسىپ قالعاندارىن ءتۇسىنىپ، پوليسياعا ارىزدانعان. ولارعا كەلتىرگەن جالپى شىعىن سوماسى 32 ميلليون تەڭگە بولادى.

جەدەل ىزدەستىرۋ جۇمىستارى بارىسىندا تۇران اۋداندىق پوليسيا باسقارماسىنىڭ كريمينالدىق پوليسيا ءبولىمىنىڭ جەدەل ۋاكىلدەرى  كۇدىكتىنى ۇستادى.

ءقازىر بىرنەشە رەت الاياقتىق جاساعانى ءۇشىن كۇدىككە ىلىنگەن ەر ادام  قاماۋدا وتىر.