Qala ákimi bul joly bilim berý uiymdarynyń jańa oqý jylyna daiyndyǵynan habardar etti.
Shymkent qalasynda 2021-2022 jańa oqý jyly 1 qyrkúiekte dástúrli formatta bastalady. Bilim berý uiymdarynyń sany – 785, bilim alýshylar – 349 814. 1-synypqa 25 005 bala qabyldandy. Bilim qory arqyly 57 466 balaǵa bir rettik 30 000 teńge qarjylai kómek beriledi.
Qala ákimi bilim berý mekemelerindegi sanitarlyq-epidemiologiialyq sharalarǵa toqtalyp ótti. Qalada 785 mekeme 100 % «Ashyq» júiesine qosylyp, pedagogter men tehnikalyq personaldar 100 % vaktsinalandy. 526 balabaqsha, 203 mektep jáne 32 kolledj «Ashyq» jobasyna qosyldy.
Bul rette birqatar eskertýlerdi atap ótken jón.
Balabaqshalarda tárbielenýshi aýyrǵan jaǵdaida top jabylady. Ata-analar aýyrǵan jaǵdaida balalar balabaqshaǵa barmaidy.
Mektepte bilim alýshy aýyrǵan jaǵdaida synyp qashyqtyqtan oqytýǵa jiberiledi. Naýqas jáne bailanysta bolǵan ata-analar jaǵdaiynda balalar qashyqtyqtan bilim alady. Bógde adamdarǵa kirýge tyiym salynady. Bir synyp – bir kabinet talaptary saqtalady.
Al kolledjderde pedagogter, qyzmetkerler, 18 jastan asqan stýdentter 100 % vaktsinalaýdan ótýde.
Sondai-aq, shahar basshysy bilim berý uiymdarynyń infraqurylymmen qamtylý jáne jylý maýsymyna daiyndyǵyna toqtalyp ótti. Atap aitqanda, qyrkúiek aiyna 15 jekemenshik mektep paidalanýǵa beriledi. Qalǵan 4-ýi jyl sońynda. Biyl 4 nysan kúrdeli jóndeýden, 175 nysan aǵymdaǵy jóndeýden ótti.
Qalada 258 nysan jylý maýsymyna daiyndaldy. 258 nysanda qysymdaý jumystary júrgizildi.
Qala ákimi turǵyndar saýalyna jaýap bere kele, oqýshylardyń 100 % oqýlyqtaryn jetkizý jáne ýaqtyly qamtamasyz etý, bilim berý uiymdaryn kúrdeli jáne aǵymdaǵy jóndeýdi merziminde aiaqtaý, balalar men pedagogter densaýlyǵynyń qaýipsizdigin saqtaý maqsatynda bilim berý uiymdaryn qajetti sanitarlyq jáne dezinfektsiialyq quraldarmen qamtamasyz etýge basa nazar aýdarylatynyn málimdedi.
