قالا اكىمى بۇل جولى ءبىلىم بەرۋ ۇيىمدارىنىڭ جاڭا وقۋ جىلىنا دايىندىعىنان حاباردار ەتتى.
شىمكەنت قالاسىندا 2021-2022 جاڭا وقۋ جىلى 1 قىركۇيەكتە ءداستۇرلى فورماتتا باستالادى. ءبىلىم بەرۋ ۇيىمدارىنىڭ سانى – 785، ءبىلىم الۋشىلار – 349 814. 1-سىنىپقا 25 005 بالا قابىلداندى. ءبىلىم قورى ارقىلى 57 466 بالاعا ءبىر رەتتىك 30 000 تەڭگە قارجىلاي كومەك بەرىلەدى.
قالا اكىمى ءبىلىم بەرۋ مەكەمەلەرىندەگى سانيتارلىق-ەپيدەميولوگيالىق شارالارعا توقتالىپ ءوتتى. قالادا 785 مەكەمە 100 % «Ashyq» جۇيەسىنە قوسىلىپ، پەداگوگتەر مەن تەحنيكالىق پەرسونالدار 100 % ۆاكسينالاندى. 526 بالاباقشا، 203 مەكتەپ جانە 32 كوللەدج «Ashyq» جوباسىنا قوسىلدى.
بۇل رەتتە ءبىرقاتار ەسكەرتۋلەردى اتاپ وتكەن ءجون.
بالاباقشالاردا تاربيەلەنۋشى اۋىرعان جاعدايدا توپ جابىلادى. اتا-انالار اۋىرعان جاعدايدا بالالار بالاباقشاعا بارمايدى.
مەكتەپتە ءبىلىم الۋشى اۋىرعان جاعدايدا سىنىپ قاشىقتىقتان وقىتۋعا جىبەرىلەدى. ناۋقاس جانە بايلانىستا بولعان اتا-انالار جاعدايىندا بالالار قاشىقتىقتان ءبىلىم الادى. بوگدە ادامدارعا كىرۋگە تىيىم سالىنادى. ءبىر سىنىپ – ءبىر كابينەت تالاپتارى ساقتالادى.
ال كوللەدجدەردە پەداگوگتەر، قىزمەتكەرلەر، 18 جاستان اسقان ستۋدەنتتەر 100 % ۆاكسينالاۋدان وتۋدە.
سونداي-اق، شاھار باسشىسى ءبىلىم بەرۋ ۇيىمدارىنىڭ ينفراقۇرىلىممەن قامتىلۋ جانە جىلۋ ماۋسىمىنا دايىندىعىنا توقتالىپ ءوتتى. اتاپ ايتقاندا، قىركۇيەك ايىنا 15 جەكەمەنشىك مەكتەپ پايدالانۋعا بەرىلەدى. قالعان 4ء-ۋى جىل سوڭىندا. بيىل 4 نىسان كۇردەلى جوندەۋدەن، 175 نىسان اعىمداعى جوندەۋدەن ءوتتى.
قالادا 258 نىسان جىلۋ ماۋسىمىنا دايىندالدى. 258 نىساندا قىسىمداۋ جۇمىستارى جۇرگىزىلدى.
قالا اكىمى تۇرعىندار ساۋالىنا جاۋاپ بەرە كەلە، وقۋشىلاردىڭ 100 % وقۋلىقتارىن جەتكىزۋ جانە ۋاقتىلى قامتاماسىز ەتۋ، ءبىلىم بەرۋ ۇيىمدارىن كۇردەلى جانە اعىمداعى جوندەۋدى مەرزىمىندە اياقتاۋ، بالالار مەن پەداگوگتەر دەنساۋلىعىنىڭ قاۋىپسىزدىگىن ساقتاۋ ماقساتىندا ءبىلىم بەرۋ ۇيىمدارىن قاجەتتى سانيتارلىق جانە دەزينفەكسيالىق قۇرالدارمەن قامتاماسىز ەتۋگە باسا نازار اۋدارىلاتىنىن مالىمدەدى.
