Armeniianyń UQShU-ǵa qatysýyn toqtatý týraly málimdemege Belarýs prezidenti Aleksandr Lýkashenko túsinikteme berdi, dep habarlaidy Dalanews.kz.
"Biz buǵan sabyrlyqpen qaraimyz. Bul máseleni Qazanda prezidenttermen talqylaǵan bolatynbyz. Eshkim esinen aljasqan joq. Biz eshkimdi qýyp jatqanymyz joq. Kerisinshe árdaiym qoldaý bildiremiz. Buǵan deiin de odaqtasymyzdy qoldap keldik jáne qoldai beremiz. Olar UQShU quramynda bolǵysy kelmeidi. Olardyń bul sheshiminen keiin UQShU, árine, qulamaidy jáne ydyrap ketpeidi", - dedi Lýkashenko.
Ol ázirge Armeniianyń UQShU-dan shyǵatyny týraly resmi málimdeme bolmaǵanyn jetkizdi. Sonymen qatar Armeniianyń UQShU-ǵa múshe bolý máselesi parlamentte sheshilýi kerek ekenin de atap ótti.
"Munda Pashinian kirý nemese shyǵý týraly sheshim qabyldai almaidy. Ony parlament sheshedi. Meniń oiymsha, Armeniia parlamentinde kópshiligi sanaly adam. Bizge, UQShU-ǵa qarsy narazylyq bolýy múmkin emes", - dedi Belarýs kóshbasshysy.
Taýly Qarabaqtaǵy Erevan men Baký arasyndaǵy qaqtyǵysqa toqtalǵan Lýkashenko Ázirbaijan UQShU-nyń músheleri úshin bóten memleket emes ekenin alǵa tartty.
"UQShU-da kóptegen musylman eli bar. Muny bári biledi. Soǵan sáikes pozitsiia ishinara bolyp keledi. Úshinshiden, armiandar Armeniia men Ázirbaijan arasyndaǵy soǵysqa aralasýymyzdy qalady ma? Mundai jaǵdaida soǵys áli de jalǵasyn taýyp, myńdaǵan adamnyń ólimine sebepker bolatyn edi», - dedi Belarýs basshysy. "Ókinishke qarai, Ázerbaijan men Armeniia soǵys arqyly suraqtyń durys sheshimin tapty. Armeniia (olar da moiyndady) Ázirbaijannyń bes-alty aimaǵyn basyp aldy."
"Soǵysty aiaqtadyq. Bizdiń pozitsiiamyz qandai bolýy kerek? Iá, armiandar - jaqyndarymyz, qymbatty halqymyz. Al Ázirbaijan bóten el me? Osy tusta biz yńǵaisyz jaǵdaiǵa tap boldyq. Munda UQSh-nyń qaqtyǵysqa aralasýyna eshqandai sebep bolǵan joq», - dedi Lýkashenko.
Ol taǵy bir márte qolda barda altynnyń qadirin túsinýge shaqyrdy.
"Shyǵý ońai, alaida kirý qiyn bolady. Buǵan taǵy da Grýziia elin mysal retinde alaiyq. Ol TMD men basqa da qurylymdardan shyǵyp ketti. Bul qadam oǵan jaqsylyq ákeldi me? Árine, joq. Qaityp oralǵany jón. Biraq qaityp kelý árqashan qiyndyq týdyrady», - dedi Belarýs prezidenti.
Lýkashenko armiandarǵa asyǵys sheshim qabyldamaýǵa keńes berdi.
"Asyqpańyzdar. Birden shyǵyp ketýdiń qajeti joq. Ýaqyt kóp nárseni ózgertedi. Osy tusta Armeniia men Ázirbaijan tóńiregindegi jaǵdai da ózgeredi. Jalpy álemde ózgerister bolady. Sondyqtan Armeniia, Belarýs jáne t.b.shaǵyn memleketter birden asyǵys sheshim qabyldamaǵany jón. Muz juqa bolǵandyqtan, birden qulaimyz. Eshkim qutqara almaidy. Kerisinshe, olar sol jerde tunshyǵyp qalatyndai ary qarai iterýge tyrysady. Sondyqtan armiandar asyqpasyn. Meniń oiymsha, Nikol Vovaevich jai ǵana asyǵystyq tanytyp, emotsiiaǵa berilip málimdeme jasaǵan siiaqty", - dep sózin qorytyndylady Lýkashenko.
Eske salaiyq, buǵan deiin Armeniia premer-ministri Nikol Pashinian Erevannyń UQShU-ǵa músheligin toqtatqanyn málimdegen bolatyn. BAQ-qa bergen suhbatynda ol Armeniiaǵa qatysty ujymdyq qaýipsizdik týraly shart oryndalmaǵanyn atap ótti.
"Bizdiń oiymyzsha, Armeniiaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady. Bul másele bizdiń nazarymyzdan tys qalmady. Biz osy shartqa qatysýdy toqtattyq. Ary qarai ne bolatynyn kóreiik", - dedi Pashinian suhbatynda.
