Biyl oblystyq jáne aýdandyq mańyzy bar joldardan jalpy uzyndyǵy 137 shaqyrym bolatyn 9 ýchaskeni jóndeý josparlanǵan, onyń ishinde 86 shaqyrymy – oblystyq, 51 shaqyrymy – aýdandyq mańyzy bar joldar. Budan basqa, qalalar men aýdandardyń 201 shaqyrym kóshe-jol jelisin jóndeýge 7,4 mlrd.teńge kózdelgen. Onyń ishinde, «Aýyl – el besigi» baǵdarlamasy aiasynda 34 eldi mekendegi 165 shaqyrym kóshelerdi jóndeýge 3,7 mlrd.teńge bólindi.
– «Úlken Naryn – Kúrshim» jolynyń 11 shaqyrymy, «Maqanshy – Jalańashkól» jolynyń 20 shaqyrymy, «Aiagóz – Qaraýyl – Semei – Qainar» jolynyń 11 shaqyrymy, «Omby – Maiqapshaǵai – Shilikti – Aqjar» jolynyń 20 shaqyrymy, «Kúrshim – Qaljyr» jolynyń 15 shaqyrymy, «Tavriia– Kamenka – Troinitskoe» jolynyń 10 shaqyrymy, «Sógir – Barlyq – Aqsý» jolynyń 14 shaqyrymy, «Kúrshim – Aqsýat – Aqsýat» jolynyń 27 shaqyrymy jóndeý jumystarymen qamtylady, – dep baiandady ShQO jolaýshylar kóligi jáne avtomobil joldary basqarmasynyń basshysy Nurjan Jumadilov.
Aimaq basshysy Danial Ahmetov ákimderge jol-jóndeý jumystarynyń júrgizilýine baqylaýdy kúsheitýdi jáne sapasyn muqiiat tekserýdi, sondai-aq kepildik merzimi bar paidalanýǵa berilgen ýchaskelerdi tekserýdi tapsyrdy.
– Óskemen jáne Semei qalalary boiynsha júrgizilip jatqan jóndeý joldarynyń sapasyna qatysty kóp shaǵymdar bar. Óskemen, Semei qalalarynyń ákimderi oryndalatyn jumystardyń sapasyn qosymsha tekserýdi qamtamasyz etsin, sondai-aq kepildik merzimi bar, buǵan deiin engizilgen ýchaskelerdi teksersin. Kóshe-jol jelisin qaita qurý, kúrdeli jáne ortasha jóndeý jumystaryn júrgizýdi erekshe baqylaýǵa alýdy tapsyramyn. Aiaqtalýy 2021 jylǵa josparlanǵan nysandardy paidalanýǵa berýdi qamtamasyz etý qajet, – dedi Danial Ahmetov.
Shyǵys Qazaqstan oblysynyń ákimi, sondai-aq Buqtyrma sý qoimasy arqyly ótetin kópir qurylysynyń sapasynyń mańyzdylyǵyn atap ótti. Sonymen qatar, búgingi tańda Semei qalasynda avtojol kópirin qaita jańartýǵa jobalyq-smetalyq qujattama ázirlendi. Qazirgi ýaqytta joba memlekettik saraptamadan ótýde. Al jalpy quny 31,1 mlrd teńgeni quraidy.
