Shara shymyldyǵyn túrgen oblys ákimi Danıal Ahmetov saıası ózgerister ekonomıkalyq damýǵa tetik bolatynyn tilge tıek etti.
⠀
"Memleket basshysy atap ótkendeı, elimizdiń qoǵamdyq-saıası ómirin jańǵyrtpaı, tabysty ekonomıkalyq reformalardy iske asyrý múmkin emes. Bizdiń aldymyzda azamattardyń barlyq syndarly ótinish-tilekterin jedel ári tıimdi qarastyratyn tujyrymdamany júzege asyrý mindeti tur. Bılik pen qoǵam arasynda turaqty dıalogty bizdiń oblys jańa formatta – áleýmettik jeliler arqyly jalǵastyramyz", – deıdi óńir basshysy.
Ákim osy oraıda oblystyq basqarma basshylary men barlyq deńgeıdegi ákimdikterge resmı akkaýnttarda osy baǵytta tıimdi jumys júrgizýdi nyqtap tapsyrdy.
Ahmetovtyń aıtyp ótkenindeı ákimdiktegiler halyqpen jumysty júrdektetkeni jón, túsinikti ári sapaly aqparat jarıalaýy qajet.
"Oqyrmandarymen «tikeleı efır», «suraq-jaýap» formatynda udaıy baılanysqa shyǵyp turý tájirıbesin qoldaný kerek.
⠀
Bul sharalar halyqtyń senimin arttyryp, turǵyndardy tolǵandyrǵan máselelerdi jedel sheshýge múmkindik beredi", – dedi Danıal Ahmetov.
