شارا شىمىلدىعىن تۇرگەن وبلىس اكىمى دانيال احمەتوۆ ساياسي وزگەرىستەر ەكونوميكالىق دامۋعا تەتىك بولاتىنىن تىلگە تيەك ەتتى.
⠀
"مەملەكەت باسشىسى اتاپ وتكەندەي، ەلىمىزدىڭ قوعامدىق-ساياسي ءومىرىن جاڭعىرتپاي، تابىستى ەكونوميكالىق رەفورمالاردى ىسكە اسىرۋ مۇمكىن ەمەس. ءبىزدىڭ الدىمىزدا ازاماتتاردىڭ بارلىق سىندارلى وتىنىش-تىلەكتەرىن جەدەل ءارى ءتيىمدى قاراستىراتىن تۇجىرىمدامانى جۇزەگە اسىرۋ مىندەتءى تۇر. بيلىك پەن قوعام اراسىندا تۇراقتى ديالوگتى ءبىزدىڭ وبلىس جاڭا فورماتتا – الەۋمەتتىك جەلىلەر ارقىلى جالعاستىرامىز"، – دەيدى ءوڭىر باسشىسى.
اكىم وسى ورايدا وبلىستىق باسقارما باسشىلارى مەن بارلىق دەڭگەيدەگى اكىمدىكتەرگە رەسمي اككاۋنتتاردا وسى باعىتتا ءتيىمدى جۇمىس جۇرگىزۋدى نىقتاپ تاپسىردى.
احمەتوۆتىڭ ايتىپ وتكەنىندەي اكىمدىكتەگىلەر حالىقپەن جۇمىستى جۇردەكتەتكەنى ءجون، تۇسىنىكتى ءارى ساپالى اقپارات جاريالاۋى قاجەت.
"وقىرماندارىمەن «تىكەلەي ەفير»، «سۇراق-جاۋاپ» فورماتىندا ۇدايى بايلانىسقا شىعىپ تۇرۋ تاجىريبەسىن قولدانۋ كەرەك.
⠀
بۇل شارالار حالىقتىڭ سەنىمىن ارتتىرىپ، تۇرعىنداردى تولعاندىرعان ماسەلەلەردى جەدەل شەشۋگە مۇمكىندىك بەرەدى"، – دەدى دانيال احمەتوۆ.
