#Birge #TazaQazaqstan heshtegin arqaý etken aktsiia aiasynda Shyǵys Qazaqstanda 70 sý qoimasy tazartyldy.
Shyǵys Qazaqstanda ekinshi apta boiyna #Birge #TazaQazaqstan ekologiialyq aktsiiasy ótýde.
Osy ýaqytta aimaqtaǵy sý qoimalary men turǵyndar demalatyn oryndardan birneshe tonna qoqys jinalyp, tolyq tazartyldy.
Bul jolǵy aktsiiaǵa 30 myńnan asa adam atsalysty. Ekologiialyq bastamaǵa qatysýda Semei qalasy belsendilik tanytýda. Qalany qoqystan tazartýǵa 13 myńǵa tarta turǵyn bilek sybana aralasty.
Óskemen qalasyn qoqystan tazartýǵa 7350 adam qatysyp, qoqys jinalyp qalǵan aryqtardyń kózin arshyldy.
Chellenjge qatysqandardyń arasynda Altai aýdany azamattary uiymshyldyq tanytty. Aýdandy qoqystan aryltýda 2312 turǵynnyń kóp kómegi tidi.
Osy jolǵy naýqan aiasynda óńirdegi 70 sý qoimasy tazartyldy, onyń ishinde Úlbi, Ertis, Shaǵan, Aiagóz, Janama ózenderiniń jiegi, Alaiǵyr tumasy, Qarashoqy, Balyqtykól, Shalqar kólderiniń jaǵalary qoqystan tazartyldy.
Búgin shyǵysqazaqstandyqtar 740 tonna nemese 2960 tekshe metr qoqys jinady. Aktsiia apta saiyn qyrkúiek aiynyń aiaǵyna deiin ótedi.
Turǵyndar osy ýaqytqa deiin Shyǵys Qazaqstanda qoqys ataýlydan aryltyp, óńirdiń ekologiialyq ahýalyn jaqsartýǵa úlesin qospaq.
– Onkolog dárigerler retinde adam densaýlyǵy men qorshaǵan ortanyń tazalyǵy tyǵyz bailanysty ekenin jaqsy bilemish. Osy sebepti de osynaý naýqanǵa belsendi túrde atsalysqan jaiymyz bar.
Bul bir kúndik naýqan emes. Óńirdi qoqystan tazartý bastamasyna apta saiyn qatysatyn bolamyz. Osy arqyly Shyǵysty ǵana emes, kúlli Qazaqstandy tazartýǵa, eń aldymen azamattardyń tazalyq mádenietin qalyptastyrýǵa óz úlesimizdi qosqymyz keledi. Tabiǵatty taza ustasaq densaýlyǵymyz da myqty bolady, – deidi bul rette Shyǵys Qazaqstan oblystyq Onkologiia jáne hirýrgiia ortalyǵy direktorynyń orynbasary Arman Muqajanov.
Aita ketelik #Birge #TazaQazaqstan aktsiiasy 27-shi shildede bastaý alǵan. Osy aralyqta barlyǵy 800 tonnadan asa qoqys jinaldy.
