#Birge #TazaQazaqstan حەشتەگٸن ارقاۋ ەتكەن اكتسييا اياسىندا شىعىس قازاقستاندا 70 سۋ قويماسى تازارتىلدى.
شىعىس قازاقستاندا ەكٸنشٸ اپتا بويىنا #Birge #TazaQazaqstan ەكولوگييالىق اكتسيياسى ٶتۋدە.
وسى ۋاقىتتا ايماقتاعى سۋ قويمالارى مەن تۇرعىندار دەمالاتىن ورىنداردان بٸرنەشە توننا قوقىس جينالىپ, تولىق تازارتىلدى.
بۇل جولعى اكتسيياعا 30 مىڭنان اسا ادام اتسالىستى. ەكولوگييالىق باستاماعا قاتىسۋدا سەمەي قالاسى بەلسەندٸلٸك تانىتۋدا. قالانى قوقىستان تازارتۋعا 13 مىڭعا تارتا تۇرعىن بٸلەك سىبانا ارالاستى.
ٶسكەمەن قالاسىن قوقىستان تازارتۋعا 7350 ادام قاتىسىپ, قوقىس جينالىپ قالعان ارىقتاردىڭ كٶزٸن ارشىلدى.
چەللەنجگە قاتىسقانداردىڭ اراسىندا التاي اۋدانى ازاماتتارى ۇيىمشىلدىق تانىتتى. اۋداندى قوقىستان ارىلتۋدا 2312 تۇرعىننىڭ كٶپ كٶمەگٸ تيدٸ.
وسى جولعى ناۋقان اياسىندا ٶڭٸردەگٸ 70 سۋ قويماسى تازارتىلدى, ونىڭ ٸشٸندە ٷلبٸ, ەرتٸس, شاعان, اياگٶز, جاناما ٶزەندەرٸنٸڭ جيەگٸ, الايعىر تۇماسى, قاراشوقى, بالىقتىكٶل, شالقار كٶلدەرٸنٸڭ جاعالارى قوقىستان تازارتىلدى.
بٷگٸن شىعىسقازاقستاندىقتار 740 توننا نەمەسە 2960 تەكشە مەتر قوقىس جينادى. اكتسييا اپتا سايىن قىركٷيەك ايىنىڭ اياعىنا دەيٸن ٶتەدٸ.
تۇرعىندار وسى ۋاقىتقا دەيٸن شىعىس قازاقستاندا قوقىس اتاۋلىدان ارىلتىپ, ٶڭٸردٸڭ ەكولوگييالىق احۋالىن جاقسارتۋعا ٷلەسٸن قوسپاق.
– ونكولوگ دەرٸگەرلەر رەتٸندە ادام دەنساۋلىعى مەن قورشاعان ورتانىڭ تازالىعى تىعىز بايلانىستى ەكەنٸن جاقسى بٸلەمٸشش. وسى سەبەپتٸ دە وسىناۋ ناۋقانعا بەلسەندٸ تٷردە اتسالىسقان جايىمىز بار.
بۇل بٸر كٷندٸك ناۋقان ەمەس. ٶڭٸردٸ قوقىستان تازارتۋ باستاماسىنا اپتا سايىن قاتىساتىن بولامىز. وسى ارقىلى شىعىستى عانا ەمەس, كٷللٸ قازاقستاندى تازارتۋعا, ەڭ الدىمەن ازاماتتاردىڭ تازالىق مەدەنيەتٸن قالىپتاستىرۋعا ٶز ٷلەسٸمٸزدٸ قوسقىمىز كەلەدٸ. تابيعاتتى تازا ۇستاساق دەنساۋلىعىمىز دا مىقتى بولادى, – دەيدٸ بۇل رەتتە شىعىس قازاقستان وبلىستىق ونكولوگييا جەنە حيرۋرگييا ورتالىعى ديرەكتورىنىڭ ورىنباسارى ارمان مۇقاجانوۆ.
ايتا كەتەلٸك #Birge #TazaQazaqstan اكتسيياسى 27-شٸ شٸلدەدە باستاۋ العان. وسى ارالىقتا بارلىعى 800 توننادان اسا قوقىس جينالدى.
