Shyǵys Qazaqstan oblysynda ekologiialyq mádenietti damytýǵa arnalǵan bes jyldyq jospar bekitildi. Jospar 2024–2029 jyldarǵa arnalǵan jáne halyqtyń ekologiialyq sanasyn, bilimin arttyrý men aqparattandyrýǵa baǵyttalǵan 44 is-sharany qamtidy. Bul týraly ShQO Tabiǵi resýrstar jáne tabiǵat paidalanýdy retteý basqarmasy basshysynyń orynbasary Elaman Muhtarhanov Óńirlik kommýnikatsiialar qyzmeti alańynda málimdedi, dep habarlaidy Dalanews.kz
Qujat QR Úkimeti bekitken memlekettik tujyrymdamaǵa sáikes ázirlenip, 2024 jyldyń jeltoqsanynda Ekologiia jáne tabiǵi resýrstar ministrligimen kelisilgen. Resmi túrde 2025 jyldyń 9 sáýirinde oblystyq máslihattyń sessiiasynda bekitildi. Tujyrymdamanyń maqsaty – halyqtyń qorshaǵan orta men tabiǵi resýrstarǵa jaýapkershilikpen qaraýyn qalyptastyrý.
Ekologiialyq oilaý men minez-qulyqty qalyptastyrý baǵytynda ekologiialyq quqyq buzýshylyqtardy tirkeitin qosymsha kameralar ornatý, aýa sapasyn onlain baqylaý júiesin damytý, oblys ortalyqtarynda sýmen jabdyqtaý jáne sý burý júiesin tsifrlandyrý kózdelgen. Sondai-aq turmystyq qaldyqtardy suryptaý jáne qaita óńdeý jobalary, qalalar men iri eldi mekenderde sý únemdeý tehnologiialaryn engizý, elektromobilderdi paidalaný úshin jaǵdai jasaý, ekobokstar men fandomattar ornatý josparlanǵan.
Ekologiialyq bilim berý mektep oqýshylaryn da, pedagogtardy da qamtidy. Óńirde ekologiialyq taqyryptaǵy shyǵarmalar men jobalar konkýrstary, «Jasyl balabaqsha» sekildi bilim berý baǵdarlamalary iske asyrylady. Sonymen qatar, «Men – zertteýshimin» oqýshylar baiqaýy, «Tabiǵatty aiala» atty jas ólketanýshylar, ekologtar men natýralisterdiń oblystyq forýmy ótkiziledi. Muǵalimderge ekologiialyq tárbie boiynsha biliktilik arttyrý kýrstary uiymdastyrylady, al mektepterde biryńǵai tárbie baǵdarlamasy aiasynda turaqty túrde synyp saǵattary ótkiziledi.
Aqparattyq-aǵartýshylyq jumys josparda erekshe oryn alady. Bul baǵytta ekologiialyq beinerolikter men filmder shyǵarý, mádeni is-sharalar, aktsiialar men BAQ ókilderi qatysatyn jinalystar ótkizý kózdelgen. Josparlanǵan bastamalar qatarynda – «World Clean-Up Day» halyqaralyq aktsiiasyna qatysý, «Saiabaqtar sherýi» tabiǵatty qorǵaý sharasy, ekologiialyq volonterlikti nasihattaý jáne qorshaǵan ortany lastaýǵa, ekologiialyq quqyq buzýshylyqtarǵa «nóldik tózimdilik» mádenietin qalyptastyrý bar.
Barlyq is-sharalar bekitilgen merzimderge sáikes júzege asyrylady jáne ýákiletti organdardyń turaqty baqylaýynda bolady. Óńirlik jospar qala jáne aýdan ákimdikterine, sondai-aq barlyq jaýapty memlekettik organdarǵa naqty iske asyrý úshin joldandy. Qabyldanǵan sharalar óńirdiń turaqty ekologiialyq damýyna berik negiz qalaidy jáne halyqty ekologiialyq baǵyttalǵan bolashaqty qalyptastyrýǵa tartýǵa múmkindik beredi.
