Jyl basynan beri memlekettik eńbek inspektorlarymen 1139 ótinish qaraldy. Oblystyń 103 kásipornynda 1161 qyzmetkerdiń aldynda 818,2 mln teńge somasynda jalaqy boiynsha bereshek anyqtalǵan.
– Oblysymyzda eńbek máselelerine qarasty 387 tekserý júrgizilip, 1548 quqyq buzýshylyq anyqtaldy. Onyń ishinde eńbek qatynastary boiynsha – 737, eńbek qaýipsizdigi jáne eńbekti qorǵaý boiynsha – 769, halyqty jumyspen qamtý boiynsha – 42 jáne 258 nusqama berildi.
30,2 mln teńge somasyna 141 jumys berýshiler ákimshilik jaýapkershilikke tartyldy. Oblystyń 103 kásipornynda 1161 qyzmetkerdiń aldynda 818,2 mln teńge somasynda jalaqy boiynsha bereshek anyqtaldy.
Qazirgi ýaqytta jalaqy boiynsha jalpy bereshek 101 kásiporynda 534,1 mln. teńge tólendi. Oblys aýmaǵynda eńbek janjaldaryna jol berilmedi, – dedi ShQO memlekettik eńbek inspektsiiasy basqarmasynyń orynbasarynyń mindetin atqarýshy Ǵaliia Toqtasynova.
Sondai-aq, memlekettik eńbek inspektorlarymen eńbek zańnamasynyń normalary boiynsha túsindirý jumystaryn únemi júrgizip keledi. Máselen buqaralyq aqparat quraldarynyń aldyna jii shyǵyp, turǵyndarmen, ujymdarmen kezdesýler ótkizip keledi.
Sonymen qatar óndiristik jaraqattanýdy azaitý maqsatynda eńbek qaýipsizdigi jáne eńbekti qorǵaý týraly zańnamanyń saqtalýyn memlekettik jáne ishki baqylaýdyń tiimdiligin arttyrý boiynsha keshendi sharalar qabyldaý negizinde 2021 jyly oblysta 2025 jylǵa deiin qaýipsiz eńbek jaǵdailaryn qamtamasyz etý jónindegi is-qimyl jospary ázirlenipti.
– Oblystyń 14 kásipornynda «Halyqtyq baqylaý» jobasy engizildi, onda densaýlyq jaǵdaiy boiynsha qaýipsiz jumys júrgizýdi baqylaý jáne personaldy qaýipsiz eńbek tásilderine oqytý boiynsha jumysqa aýystyrylǵan 64 adam jumys isteidi.
Óńirdegi 42 kásiporyn «Vision Zero» nóldik jaraqattaný tujyrymdamasyna qosyldy. 181 kásiporynda eńbek qaýipsizdigi jáne eńbekti qorǵaý standarttary engizildi.
Óńirde eńbek qaýipsizdigi jáne eńbekti qorǵaý jónindegi 1298 óndiristik keńes jumys isteidi. Memlekettik eńbek inspektsiiasy basqarmasy, politsiia departamenti, densaýlyq saqtaý basqarmasy, oblystyq kásipodaq ortalyǵy jáne shaǵyn jáne orta biznes qyzmetkerleriniń kásipodaǵy arasynda óndiristik jaraqattanýdy jasyrýǵa jol bermeý boiynsha ózara yntymaqtastyq týraly memorandým jasaldy, – dedi ShQO memlekettik eńbek inspektsiiasy basqarmasynyń bólim bastyǵy Qýanysh Erǵazinov.
Oblystaǵy kásipodaq ókilderi jáne óndiris oshaqtaryndaǵy qyzmetkerlerimen eńbek inspektsiiasynyń mamandary, jazataiym oqiǵalardy aldyn alý, korporativtik áleýmettik jaýapkershilikti damytý, eńbek qaýipsizdigin saqtaý boiynsha únemi kezdesý ótkizip turýdy dástúrge ainaldyrǵan.
