جىل باسىنان بەرى مەملەكەتتىك ەڭبەك ينسپەكتورلارىمەن 1139 ءوتىنىش قارالدى. وبلىستىڭ 103 كاسىپورنىندا 1161 قىزمەتكەردىڭ الدىندا 818،2 ملن تەڭگە سوماسىندا جالاقى بويىنشا بەرەشەك انىقتالعان.
– وبلىسىمىزدا ەڭبەك ماسەلەلەرىنە قاراستى 387 تەكسەرۋ جۇرگىزىلىپ، 1548 قۇقىق بۇزۋشىلىق انىقتالدى. ونىڭ ىشىندە ەڭبەك قاتىناستارى بويىنشا – 737، ەڭبەك قاۋىپسىزدىگى جانە ەڭبەكتى قورعاۋ بويىنشا – 769، حالىقتى جۇمىسپەن قامتۋ بويىنشا – 42 جانە 258 نۇسقاما بەرىلدى.
30،2 ملن تەڭگە سوماسىنا 141 جۇمىس بەرۋشىلەر اكىمشىلىك جاۋاپكەرشىلىككە تارتىلدى. وبلىستىڭ 103 كاسىپورنىندا 1161 قىزمەتكەردىڭ الدىندا 818،2 ملن تەڭگە سوماسىندا جالاقى بويىنشا بەرەشەك انىقتالدى.
قازىرگى ۋاقىتتا جالاقى بويىنشا جالپى بەرەشەك 101 كاسىپورىندا 534،1 ملن. تەڭگە تولەندى. وبلىس اۋماعىندا ەڭبەك جانجالدارىنا جول بەرىلمەدى، – دەدى شقو مەملەكەتتىك ەڭبەك ينسپەكسياسى باسقارماسىنىڭ ورىنباسارىنىڭ مىندەتىن اتقارۋشى عاليا توقتاسىنوۆا.
سونداي-اق، مەملەكەتتىك ەڭبەك ينسپەكتورلارىمەن ەڭبەك زاڭناماسىنىڭ نورمالارى بويىنشا ءتۇسىندىرۋ جۇمىستارىن ۇنەمى جۇرگىزىپ كەلەدى. ماسەلەن بۇقارالىق اقپارات قۇرالدارىنىڭ الدىنا ءجيى شىعىپ، تۇرعىندارمەن، ۇجىمدارمەن كەزدەسۋلەر وتكىزىپ كەلەدى.
سونىمەن قاتار وندىرىستىك جاراقاتتانۋدى ازايتۋ ماقساتىندا ەڭبەك قاۋىپسىزدىگى جانە ەڭبەكتى قورعاۋ تۋرالى زاڭنامانىڭ ساقتالۋىن مەملەكەتتىك جانە ىشكى باقىلاۋدىڭ تيىمدىلىگىن ارتتىرۋ بويىنشا كەشەندى شارالار قابىلداۋ نەگىزىندە 2021 جىلى وبلىستا 2025 جىلعا دەيىن ءقاۋىپسىز ەڭبەك جاعدايلارىن قامتاماسىز ەتۋ جونىندەگى ءىس-قيمىل جوسپارى ازىرلەنىپتى.
– وبلىستىڭ 14 كاسىپورنىندا «حالىقتىق باقىلاۋ» جوباسى ەنگىزىلدى، وندا دەنساۋلىق جاعدايى بويىنشا ءقاۋىپسىز جۇمىس جۇرگىزۋدى باقىلاۋ جانە پەرسونالدى ءقاۋىپسىز ەڭبەك تاسىلدەرىنە وقىتۋ بويىنشا جۇمىسقا اۋىستىرىلعان 64 ادام جۇمىس ىستەيدى.
وڭىردەگى 42 كاسىپورىن «Vision Zero» نولدىك جاراقاتتانۋ تۇجىرىمداماسىنا قوسىلدى. 181 كاسىپورىندا ەڭبەك قاۋىپسىزدىگى جانە ەڭبەكتى قورعاۋ ستاندارتتارى ەنگىزىلدى.
وڭىردە ەڭبەك قاۋىپسىزدىگى جانە ەڭبەكتى قورعاۋ جونىندەگى 1298 وندىرىستىك كەڭەس جۇمىس ىستەيدى. مەملەكەتتىك ەڭبەك ينسپەكسياسى باسقارماسى، پوليسيا دەپارتامەنتى، دەنساۋلىق ساقتاۋ باسقارماسى، وبلىستىق كاسىپوداق ورتالىعى جانە شاعىن جانە ورتا بيزنەس قىزمەتكەرلەرىنىڭ كاسىپوداعى اراسىندا وندىرىستىك جاراقاتتانۋدى جاسىرۋعا جول بەرمەۋ بويىنشا ءوزارا ىنتىماقتاستىق تۋرالى مەموراندۋم جاسالدى، – دەدى شقو مەملەكەتتىك ەڭبەك ينسپەكسياسى باسقارماسىنىڭ ءبولىم باستىعى قۋانىش ەرعازينوۆ.
وبلىستاعى كاسىپوداق وكىلدەرى جانە ءوندىرىس وشاقتارىنداعى قىزمەتكەرلەرىمەن ەڭبەك ينسپەكسياسىنىڭ ماماندارى، جازاتايىم وقيعالاردى الدىن الۋ، كورپوراتيۆتىك الەۋمەتتىك جاۋاپكەرشىلىكتى دامىتۋ، ەڭبەك قاۋىپسىزدىگىن ساقتاۋ بويىنشا ۇنەمى كەزدەسۋ وتكىزىپ تۇرۋدى داستۇرگە اينالدىرعان.
