Sharaǵa «Shevron» kompanıasy demeýshilik etti.
STEM (Ǵylym. Tehnologıa. Injınırıń. Matematıka) ınovasıalyq bilim berý baǵdarlamasynyń sapasyn arttyrý jáne ustazdardyń ınovasıa salasyndaǵy ıdeıalaryn júzege asyrýǵa múmkindik berý maqsatynda ótkizilgen sharaǵa barlyǵy 25 ustaz qatysty. 20-dan asa joba tanystyryldy.
Baıqaý aıasynda iriktelip alynǵan úzdik jobalar keler jyldyń qarasha aıynda Portýgalıada ótetin festıválde Qazaqstan atynan baq synaıtyn bolady.
– «Shevron» kompanıasy STEM (Ǵylym. Tehnologıa. Injınırıń. Matematıka) ınovasıalyq bilim baǵdarlamasyn Qazaqstanda ári qaraı da damyta túsýge múddeli.
Osynaý jobanyń arqasynda STEM –di jańa deńgeıge kóterýge múmkindik týaryna senimdimiz, – dedi bul rette Shevron ókili Aınur Sydyqova.
Fızıka – matematıka mektebiniń damý boıynsha basqarma tóraǵasynyń orynbasary Erjan Óteýliniń aıtýynsha, qazirgi tańda muǵalimder arasynda ıdeıa almasý máselesi asa ózekti.
– Bul otandyq bilim salasynyń ilgerileýine, oqýshylar arasynda ǵylymǵa degen qyzyǵýshylyqtyń artýyna septesedi, – deıdi ol.
Shynymen de osynaý sharanyń arqasynda ınovasıalyq baǵytta bilim beretin ustazdar tájirıbe almasatyn ortaq alańda bas qosyp, ǵylym men tehnologıa tóńiregindegi kózqarastaryn ortaǵa saldy.
Baıqaý nátıjesinde árbir ustaz osy ýaqytqa deıingi tájirıbesin jańa ıdeıalarmen tolyqtyryp, muny oqýshylarmen bólisýge múmkindik aldy.
Festıválde úzdikteri retinde kelesideı jobalar iriktelinip alyndy:
Bulardyń alǵashqy AirGarden dep atalady. AirGarden STEM baǵdarlamasynyń barlyq ustanymdaryn bir jerge toptastyrǵan joba retinde joǵary baǵalandy. Kókónis ósirýge jańa turǵydan kóz tastaǵan ıdeıa avtorlary jobanyń bolashaǵy jarqyn bolaryna senimdi.
«Robot kómekshisi» dep atalatyn joba óz kezeginde baǵdarlamalaý algorıtmderin vızýalızasıalaıtyn qabiletke ıe.
Al symsyz Pasco sensory oqý prosesin mektep ishinde emes, tabıǵat aıasynda júrgizýge múmkindik beredi.
«Kreatıvti plasılın» jobasy da baıqaý qatysýshylaryn elekten ótkizgen ádil qazylardy tańǵaldyrdy. Plasılınniń kómegimen oqýshylar matematıka sabaǵynda túrli geometrıkalyq fıgýralardy jasaıtyn múmkindikke ıe bolady.
Jobalar oqýshylar qyzyǵýshylyǵyn týdyratyn, naqty nátıje beretin, óndiriske kirige alatyn, kúndelikti qoldanysqa jaraıtyn ári shyǵyny qalta kótererlik talaptar boıynsha iriktelip alyndy.
Bıylǵy jyldyń naýryzynda Qazaqstannyń Respýblıkalyq fızıka-matematıka mektebi STEM eýropalyq ustazdar qaýymdastyǵynyń «Science on Stage Europe. Science on Stage» uıymyna múshe atanǵan edi. İske qosylǵan 18 jyldyń ishinde Science on Stage álemniń 30 elinen 100 myńǵa jaqyn ustazdy qamtydy.
