شاراعا «شيەۆرون» كومپانياسى دەمەۋشىلىك ەتتى.
STEM (عىلىم. تەحنولوگيا. ينجينيرينگ. ماتەماتيكا) يننوۆاسيالىق ءبىلىم بەرۋ باعدارلاماسىنىڭ ساپاسىن ارتتىرۋ جانە ۇستازداردىڭ يننوۆاسيا سالاسىنداعى يدەيالارىن جۇزەگە اسىرۋعا مۇمكىندىك بەرۋ ماقساتىندا وتكىزىلگەن شاراعا بارلىعى 25 ۇستاز قاتىستى. 20-دان اسا جوبا تانىستىرىلدى.
بايقاۋ اياسىندا ىرىكتەلىپ الىنعان ۇزدىك جوبالار كەلەر جىلدىڭ قاراشا ايىندا پورتۋگاليادا وتەتىن فەستيۆالدە قازاقستان اتىنان ب ا ق سىنايتىن بولادى.
– «شيەۆرون» كومپانياسى STEM (عىلىم. تەحنولوگيا. ينجينيرينگ. ماتەماتيكا) يننوۆاسيالىق ءبىلىم باعدارلاماسىن قازاقستاندا ءارى قاراي دا دامىتا تۇسۋگە مۇددەلى.
وسىناۋ جوبانىڭ ارقاسىندا STEM –ءدى جاڭا دەڭگەيگە كوتەرۋگە مۇمكىندىك تۋارىنا سەنىمدىمىز، – دەدى بۇل رەتتە شيەۆرون وكىلى اينۇر سىدىقوۆا.
فيزيكا – ماتەماتيكا مەكتەبىنىڭ دامۋ بويىنشا باسقارما ءتوراعاسىنىڭ ورىنباسارى ەرجان وتەۋلىنىڭ ايتۋىنشا، قازىرگى تاڭدا مۇعالىمدەر اراسىندا يدەيا الماسۋ ماسەلەسى اسا وزەكتى.
– بۇل وتاندىق ءبىلىم سالاسىنىڭ ىلگەرىلەۋىنە، وقۋشىلار اراسىندا عىلىمعا دەگەن قىزىعۋشىلىقتىڭ ارتۋىنا سەپتەسەدى، – دەيدى ول.
شىنىمەن دە وسىناۋ شارانىڭ ارقاسىندا يننوۆاسيالىق باعىتتا ءبىلىم بەرەتىن ۇستازدار تاجىريبە الماساتىن ورتاق الاڭدا باس قوسىپ، عىلىم مەن تەحنولوگيا توڭىرەگىندەگى كوزقاراستارىن ورتاعا سالدى.
بايقاۋ ناتيجەسىندە ءاربىر ۇستاز وسى ۋاقىتقا دەيىنگى تاجىريبەسىن جاڭا يدەيالارمەن تولىقتىرىپ، مۇنى وقۋشىلارمەن بولىسۋگە مۇمكىندىك الدى.
فەستيۆالدە ۇزدىكتەرى رەتىندە كەلەسىدەي جوبالار ىرىكتەلىنىپ الىندى:
بۇلاردىڭ العاشقى AirGarden دەپ اتالادى. AirGarden STEM باعدارلاماسىنىڭ بارلىق ۇستانىمدارىن ءبىر جەرگە توپتاستىرعان جوبا رەتىندە جوعارى باعالاندى. كوكونىس وسىرۋگە جاڭا تۇرعىدان كوز تاستاعان يدەيا اۆتورلارى جوبانىڭ بولاشاعى جارقىن بولارىنا سەنىمدى.
«روبوت كومەكشىسى» دەپ اتالاتىن جوبا ءوز كەزەگىندە باعدارلامالاۋ الگوريتمدەرىن ۆيزۋاليزاسيالايتىن قابىلەتكە يە.
ال سىمسىز Pasco سەنسورى وقۋ پروسەسىن مەكتەپ ىشىندە ەمەس، تابيعات اياسىندا جۇرگىزۋگە مۇمكىندىك بەرەدى.
«كرەاتيۆتى پلاستيلين» جوباسى دا بايقاۋ قاتىسۋشىلارىن ەلەكتەن وتكىزگەن ءادىل قازىلاردى تاڭعالدىردى. ءپلاستيليننىڭ كومەگىمەن وقۋشىلار ماتەماتيكا ساباعىندا ءتۇرلى گەومەتريكالىق فيگۋرالاردى جاسايتىن مۇمكىندىككە يە بولادى.
جوبالار وقۋشىلار قىزىعۋشىلىعىن تۋدىراتىن، ناقتى ناتيجە بەرەتىن، وندىرىسكە كىرىگە الاتىن، كۇندەلىكتى قولدانىسقا جارايتىن ءارى شىعىنى قالتا كوتەرەرلىك تالاپتار بويىنشا ىرىكتەلىپ الىندى.
بيىلعى جىلدىڭ ناۋرىزىندا قازاقستاننىڭ رەسپۋبليكالىق فيزيكا-ماتەماتيكا مەكتەبى STEM ەۋروپالىق ۇستازدار قاۋىمداستىعىنىڭ «Science on Stage Europe. Science on Stage» ۇيىمىنا مۇشە اتانعان ەدى. ىسكە قوسىلعان 18 جىلدىڭ ىشىندە Science on Stage الەمنىڭ 30 ەلىنەن 100 مىڭعا جاقىن ۇستازدى قامتىدى.
