Elimizde sheteldik jumysshylar tartý kvotasy 40 paiyzǵa qysqardy dep habarlaidy Dalanews.kz.
Eńbek jáne áleýmettik qorǵaý ministri Birjan Nurymbetovtiń aitýynsha sheteldik jumys kúshin tartý kvotasy biyl 29 myń adamnan aspaýy tiis. Byltyr bul kórsetkish 49 myń birlikti quraǵan bolatyn.
“29 myń birlik – shekti deńgei. Eldegi sheteldik jumysshy sany osy mejeden aspaýy tiis.
1 tamyzǵa deiin kompaniialar jergilikti atqarýshy organyna biyldyqqa qansha sheteldik mamandy jumysqa tartatynyn habarlaýy tiis.
Jergilikti atqarýshy organdar zańǵa sai sheshim qabyldaý, álgi kompaniialardyń ótinishin bizdiń ministrlikke jiberedi, – deidi Eńbek jáne áleýmettik qorǵaý ministri.
Atalǵan másele budan buryn Toqaevtyń bastamasymen qurylǵan Ulttyq qoǵamdyń keńestiń otyrysynda aitylǵan.
Keńes múshesi, qoǵam belsendisi Jánibek Qojyq jumyssyzdyq máselesin jáne ony azaitýdyń joldary týraly másele kótergen edi.
"Men aýylda turamyn, aýyl halqynyń eń basty máselesi - jumyssyzdyq. Jastar jumys izdep qalaǵa kóshýde, soǵan qaraǵanda qalanyń jaǵdaiy, aýylǵa qaraǵanda shúkir bolar dep oilaimyn", - dep jazady Jánibek Qojyq áleýmettik jelide.
«Eń bastysy, shetelden keletin jumysshylarǵa beriletin kvotanyń sanyn qysqartý, zańsyz kelgenderin elden shyǵarý, olardyń ornyna jumyssyz júrgen jastardy jumysqa qabyldaýdy suraǵan bolatynmyn.
Sheteldik jumys kúshine kvota qysqarsa, eldegi jumyssyzdar sany da azaiady.
Ulttyq keńestiń 20 jeltoqsandaǵy ótken ekinshi otyrysynda Memleket basshysy Qasym-Jomart Toqaev shetelden keletin jumysshylarǵa beriletin kvotanyń sanyn qysqartyp, olarǵa qoiylatyn talaptardy kúsheitip, bul jaǵdaidy qatań baqylaýǵa alatynyn aitty», - deidi ol.
Jánibek Qojyqtyń oiynsha, sol qysqarǵan sheteldik jumysshylardyń ornyna jumyssyz júrgen myńdaǵan jastar jumysqa kiretin bolady.
«Bul teńizge tamǵan tamshydai bolsa da elge tigen paida ǵoi. Sondyqtan da Ulttyq keńeske kirgenim úshin, ázirge, ókinbeimin. Múmkindigiń bolyp turǵanda Ulttyq keńesti eldiń múddesine nege paidalanbasqa, nege eldiń amanatyn bilikke týra aitpasqa?! Álde de talai aitar usynystarym, mańyzdy máselelerim bar»,-dep jazady qoǵam belsendisi.
