Sherzat Bolattyń ólimine qatysty is boiynsha tergeý 2024 jyldyń aiaǵyna deiin bitpedi, buǵan deiin IIM basshysynyń orynbasary Sanjar Ádilov tergeý jyl aiaǵyna deiin aiaqtalatynyn málimdegen edi. Bul týraly Telegram arnalar jazyp jatyr, - dep habarlaidy Dalanews.kz.
Málimetke súiensek, qylmystyq is kóbeigen: urlyq, buzaqylyq, qorqytý jáne qylmys týraly habarlamaý epizodtary qosyldy.
11 kúdikti qamaýda otyr.
«Hýtorskii» uiymdasqan qylmystyq tobynyń basshysy delinetin Hasan Qasymbaevty qamaýǵa alý merzimi de jaqynda aiaqtalýy kerek edi. Is sotqa jiberildi nemese qamaýǵa alý merzimi uzartyldy degen habarlar áli jariialanbady», - dep jazylǵan málimette.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 11 adam ustalyp, ýaqytsha ustaý izoliatoryna qamaýǵa alyndy.
Kóp uzamai, iaǵni 9 jeltoqsanda marqum Sherzat Bolattyń aǵasy Nurqanat Ǵaiypbaev ajal qushty. Politsiia departamentiniń aldyn ala derekteri boiynsha onyń sýitsid jasaǵanyn málimdedi. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
