Sotta Azamat Toqtaýbaevtyń Nurqanat Ǵaiypbaevpen bettestirýdegi jaýaby jariialandy, dep habarlaidy Dalanews.kz.
Sottalýshynyń aitýynsha, ol buǵan deiin sottalyp, úiqamaqta bolǵandyqtan tóbeleske aralaspaǵan.
"Buryn sotty bolyp, úiqamaqta júrgennen keiin ondai janjalǵa aralaspaýǵa tyrystym. Sol mańda turǵan soń, aǵamdy ajyratyp, "ol jerge barmai-aq qoiyńdarshy" dep aittym. Keiin aǵam Darhandy alyp kelýge ketti. Sol sátte keibir balalar júgirip kelip, kólikke minip, "kettik, kettik" dep úi jaqqa qarai ketip qaldy. Basqa aitarym joq", – dedi ol.
Aita keteiik, búgin sottalýshy Nurbol Toqtaýbaevtan jaýap alyndy. Ol sotta tóbelestiń qalai bastalǵanyn baiandady.
