Ishki ister ministriniń orynbasary Sanjar Ádilov 16 jastaǵy Sherzat Bolattyń ólimine qatysty qylmystyq is jaqyn kúnderi sotqa jiberiletinin málimdedi, dep habarlaidy Dalanews.kz.
Alaida negizgi sot protsesiniń qashan bastalatyny týraly naqty aqparat berilmedi.
“Sherzat Polat isi qazir prokýratýrada zerdelenip jatyr. Osy aptada sotqa joldanady dep kútip otyrmyz. Budan ári bul is sottyń quzyrynda bolady. Sýdia taǵaiyndalyp, basty sot talqylaýyn júrgizetin bolady. Aldaǵy ýaqytta sot ókilderi tolyqqandy túsinikteme beredi dep oilaimyn”, – dedi Ádilov.
Buǵan deiin atalǵan qylmystyq istiń tergeýi aiaqtalǵany habarlanǵan edi. Tergeý materialdarynyń jalpy kólemi 62 tomdy quraidy. Onyń ishinde barlyq jinalǵan dáleldemeler, saraptama qorytyndylary, jaýap alý hattamalary jáne basqa da mańyzdy materialdar bar.
Árbir tergeý áreketi qylmystyq zańnama talaptaryna sáikes júrgizildi, tergeýdiń barlyq kezeńderinde zańdylyq, ashyqtyq jáne obektivtilik qamtamasyz etildi.
Tergeýdiń barysy jáne protsess qatysýshylarynyń konstitýtsiialyq quqyqtarynyń saqtalýy prokýratýra organdarynyń baqylaýynda boldy.
Eske salaiyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaiypbaev ta óli tabyldy.
