Almaty oblysynyń ákimi Marat Sultanǵaziev otstavka máselesine qatysty pikir bildirdi. BAQ ókili sheneýnikten Sherzat isinen keiin ákimniń qyzmeti qalai ózgeretinin surady, - dep habarlaidy Dalanews.kz.
Oblys ákiminiń sózinshe, jumysynyń baǵasyn beretin - basqa salalardaǵy kórsetkish.
«Búgingi kúni bizdiń jumysymyz tek áleýmettik jelide taraǵan jańalyqpen baǵalanbaidy ǵoi. Kóptegen sala bar: ekonomikalyq sala, áleýmettik sala. Sondai turǵydan halyq, basshylarymyz ózi baǵasyn berer», - deidi Sultanǵaziev.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 11 adam ustalyp, ýaqytsha ustaý izoliatoryna qamaýǵa alyndy.
Kóp uzamai, iaǵni 9 jeltoqsanda marqum Sherzat Bolattyń aǵasy Nurqanat Ǵaiypbaev ajal qushty. Politsiia departamentiniń aldyn ala derekteri boiynsha, ol sýitsid jasaǵan. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
Habarlamada ol týysqandarymen qoshtasyp, jieniniń janyna jerleýdi suraǵan. Bul fakti boiynsha qylmystyq is qozǵaldy.
