Almaty oblysy Almaly aýylynda qaza tapqan 17 jastaǵy Jangeldi Murattyń jaqyndary ádil tergeý júrgizilip, kináliler tolyq jaýapqa tartylýyn talap etip otyr, dep habarlaidy Dalanews.kz.
Almaty.tv málimetinshe, qaiǵyly oqiǵa 1 qańtarda bolǵan. Jasóspirim tanys qyzdy úiine shyǵaryp salý úshin syrtqa shyqqan kezde jolda ony birneshe jigit toqtatqan. Týystarynyń aitýynsha, olar onyń álgi qyzben aralasýyna qarsy bolǵan. Kikiljiń tez arada ýshyǵyp, kúdikti retinde tanylǵan 9-synyp oqýshysy aǵasyn shaqyrǵan. Keiin janjal tóbeleske ulasyp, sol sátte jasóspirimge pyshaq suǵylǵan. Ol aýyr jaraqat alyp, aýrýhanaǵa jetpei kóz jumǵan.
Marqumnyń anasy Janar Talqanbaeva uly ókpe, qol jáne iyq tusynan pyshaqtalǵanyn aitty. Jaqyndarynyń sózinshe, Jangeldi feldsher mamandyǵynda bilim alyp júrgen, bolashaǵynan úmit kúttirgen jas bolǵan.
Týystary bul jaǵdaidy jai tóbeles emes, top bolyp jasalǵan shabýyl dep esepteidi. Olardyń málimetinshe, jasóspirimge keminde tórt adam jabylǵan, alaida ázirge bir kúdikti ǵana qamaýda.
Qazir is Qarasai aýdandyq sotynda qaralyp jatyr. Kýágerlerden jaýap alynyp, oqiǵanyń mán-jaiy anyqtalyp jatyr.
