Sýdia Sherzat Bolattyń isi boiynsha sot otyrysynyń basynda jýrnalisterge eskertý jasady, dep habarlaidy Dalanews.kz.
Sot ashyq túrde ótip jatyr, biraq sottalýshylardy túsirýge tyiym salyndy. Sonymen qatar sýdia jýrnalisterge tikelei efirge shyǵýǵa bolmaitynyn eskertti.
Al tikelei efirdi Joǵarǵy Sottyń Youtube arnasynan kóre alasyz.
Eske salaiyq, buǵan deiin Sherzat Polattyń ákesi Qarjaýbai Nurymov balasynyń ólimine qatysy bar degen kúdiktilerge qatysty qosymsha aryz daiyndap jatqanyn habarlaǵan edik. Bul týraly jábirlenýshi taraptyń jańadan qosylǵan advokaty Meiirman Shekeev málimdedi.
“Is materialdarymen tanysa kele, biz bul qylmystyq is aiasynda azamattyq talaptyń berilmegenin anyqtadyq. Qazir sol talapty ázirlep jatyrmyz. Bul áreket Qarjaýbai myrzaǵa qarjylai ótemaqy alý úshin emes, qamaýda otyrǵan kúdiktilerge úkim shyqqan soń olardyń merziminen buryn bosap ketýine jol bermeý maqsatynda jasalyp otyr”, – dedi Shekeev.
Advokat qoǵamda qyzý talqylanǵan bir suraqqa da jaýap berdi.
“Halyqty alańdatyp otyrǵan mańyzdy suraqtardyń biri – oqiǵa ornynda bolǵan eki qyzdyń taǵdyry. Olar áleýmettik jelilerde kúdikti retinde kórsetilgenimen, is materialdaryna sáikes, tek kýáger retinde jaýap berdi”, – dedi qorǵaýshy.
Meiirman Shekeevtiń aitýynsha, bul qylmystyq is boiynsha 9 adam kúdikti retinde tanylǵan. Sonyń ishinde bireýi – kámelet jasyna tolmaǵan. Oǵan Qylmystyq kodekstiń 434-baby — qylmys týraly habarlamaý boiynsha aiyp taǵylǵan. Al jábirlenýshiler sany – alty. Olardyń ekeýi – Sherzat pen Nurqanat.
