«Sherýde kezdesken eki dos». Biri ereýilshi, ekinshi politsiia.
Ereýil kezinde ekeýi qarsy kelip qalǵanda bir dosy ekinshisin julqylap jylap jiberedi... "Ur meni, ur!" deidi... Sol kúni-aq álemdi sharlap ketken sýrettiń aitary ne?
Biz bárimiz bir qoǵamnyń, bir Otannyń balalarymyz! Qańtardaǵy qaqtyǵystar kezinde bizdiń politsiianyń "jumsaq" áreketinen qylmysqa, tonaýshylyqqa jol berildi degen syn kóp aitylýda. Tipti de olai emes!
Miting beibit túrde júrip jatqanda, jaǵdai asa ýshyqqansha politsiia baýyrlaryna qarý qoldanǵan joq.
Al, arandatýshylar shekten shyǵyp, qarapaiym adamdardyń ómirine qaýip tóngende ǵana iske kiristi. Qanshama qyzmetkerlerimiz erliktiń úlgisin kórsetti. Qaza boldy.
Ol jóninde kóp aitylyp jatyr ǵoi, men áńgimemniń basynda aitqan sýretke qaita oralaiyn.
Elimizdegi dúrbeleń kúnderi anaý eki frantsýz dostar sekildi júrekti dir etkizer qanshama fotolar jariialanyp jatyr. Kishkentai balany qutqarǵan politsiia... Sol politsiiaǵa tamaq tasyǵan ana... Qarýsyz politsiiaǵa ara túsken turǵyndar...
Qanshama beibit turǵyndardy, tipti, óz quramynan adasyp qalǵan áskeri qyzmetkerlerdi politsiia qyzmetkerleri óz quramyna qosyp, aman alyp qalýy, qarapaiym adamdy qutqaryp qalý úshin qanshama erlik jasady, bul bir qoǵam ekenimizdi dáleldeidi.
Menińshe eki kórinistiń de maǵynasy bireý – adam adamǵa baýyr, dos! Endi másele – barlyǵymyzdyń bir Otannyń balasy ekenimizdi túisiný, qatygezdikke jol bermeý.
Janar TURANQAZYQYZY, Qazaqstan Jýrnalister odaǵynyń múshesi
