«شەرۋدە كەزدەسكەن ەكٸ دوس». بٸرٸ ەرەۋٸلشٸ, ەكٸنشٸ پوليتسييا.
ەرەۋٸل كەزٸندە ەكەۋٸ قارسى كەلٸپ قالعاندا بٸر دوسى ەكٸنشٸسٸن جۇلقىلاپ جىلاپ جٸبەرەدٸ... "ۇر مەنٸ, ۇر!" دەيدٸ... سول كٷنٸ-اق ەلەمدٸ شارلاپ كەتكەن سۋرەتتٸڭ ايتارى نە?
بٸز بەرٸمٸز بٸر قوعامنىڭ, بٸر وتاننىڭ بالالارىمىز! قاڭتارداعى قاقتىعىستار كەزٸندە بٸزدٸڭ پوليتسييانىڭ "جۇمساق" ەرەكەتٸنەن قىلمىسقا, توناۋشىلىققا جول بەرٸلدٸ دەگەن سىن كٶپ ايتىلۋدا. تٸپتٸ دە ولاي ەمەس!
ميتينگ بەيبٸت تٷردە جٷرٸپ جاتقاندا, جاعداي اسا ۋشىققانشا پوليتسييا باۋىرلارىنا قارۋ قولدانعان جوق.
ال, ارانداتۋشىلار شەكتەن شىعىپ, قاراپايىم ادامداردىڭ ٶمٸرٸنە قاۋٸپ تٶنگەندە عانا ٸسكە كٸرٸستٸ. قانشاما قىزمەتكەرلەرٸمٸز ەرلٸكتٸڭ ٷلگٸسٸن كٶرسەتتٸ. قازا بولدى.
ول جٶنٸندە كٶپ ايتىلىپ جاتىر عوي, مەن ەڭگٸمەمنٸڭ باسىندا ايتقان سۋرەتكە قايتا ورالايىن.
ەلٸمٸزدەگٸ دٷربەلەڭ كٷندەرٸ اناۋ ەكٸ فرانتسۋز دوستار سەكٸلدٸ جٷرەكتٸ دٸر ەتكٸزەر قانشاما فوتولار جارييالانىپ جاتىر. كٸشكەنتاي بالانى قۇتقارعان پوليتسييا... سول پوليتسيياعا تاماق تاسىعان انا... قارۋسىز پوليتسيياعا ارا تٷسكەن تۇرعىندار...
قانشاما بەيبٸت تۇرعىنداردى, تٸپتٸ, ٶز قۇرامىنان اداسىپ قالعان ەسكەري قىزمەتكەرلەردٸ پوليتسييا قىزمەتكەرلەرٸ ٶز قۇرامىنا قوسىپ, امان الىپ قالۋى, قاراپايىم ادامدى قۇتقارىپ قالۋ ٷشٸن قانشاما ەرلٸك جاسادى, بۇل بٸر قوعام ەكەنٸمٸزدٸ دەلەلدەيدٸ.
مەنٸڭشە ەكٸ كٶرٸنٸستٸڭ دە ماعىناسى بٸرەۋ – ادام ادامعا باۋىر, دوس! ەندٸ مەسەلە – بارلىعىمىزدىڭ بٸر وتاننىڭ بالاسى ەكەنٸمٸزدٸ تٷيسٸنۋ, قاتىگەزدٸككە جول بەرمەۋ.
جانار تۇرانقازىقىزى, قازاقستان جۋرناليستەر وداعىنىڭ مٷشەسٸ
