Qonaev qalasynyń ákimi Ashat Berdihanov Sheńgeldi aýyldyq okrýginde qyzmet etetin sharýalarmen, sorǵy stantsiialarynyń basshylarymen kezdesti,- dep habarlaidy Dalanews.kz
Aýqymdy jiynda aýyl sharýashylyǵy salasyn damytý máselesi talqylandy. Jaýapty bólimniń basshysy Asqar Ibraimovtyń sózinshe, eldimekende 9 sorǵy stantsiiasy ornalasqan. Qazir onyń tórteýinde kóktemgi dala jumystaryna daiyndyq bastalyp, aǵymdaǵy jóndeý jasalyp jatyr.
Al №4 sorǵy stantsiiasynyń basshylyǵy qarjylyq tapshylyqtyń bolýyna bailanysty jóndeý júrgizýdiń keshiktirilip jatqanyn málim etti. Osy oraida, Ashat Berdihanov ákimdikpen úshjaqty memorandýmǵa qol qoiý arqyly qajetti qondyrǵylardy ýaqytsha paidalaný týraly usynys bildirdi. Eger bul shara júzege assa, №4 sorǵy stantsiiasy 1000 gektardan astam jerdi sýarǵa múmkindik bolady.
Sondai-aq basqosýda basqa da sorǵy stantsiialarynyń jelilerin jańǵyrtýǵa qajetti qujattar daiyndalyp jatqany aityldy. Al №5 sorǵy stantsiiasynyń sýarý jelilerin kúrdeli jóndeý jumystary 2022 jyly bastalǵan bolatyn. Barlyq jobalarda tapsyrys berýshi – Almaty oblysynyń qurylys basqarmasy.
Sýdy únemdeý máselesine kelsek, qazirgi tańda tamshylatyp sýarýǵa qajetti qural-jabdyqtardy óndirýshi «Jibek joly» JShS-men sharýalar kelissózder júrgizip jatyr. Biyl jańa tehnologiia paidalanylatyn egistik alqabynyń kólemin ulǵaitý josparlanyp otyr.
Sonymen qatar sharýalarǵa beriletin memlekettik qoldaýlardy alýdyń túrli tetikteri de aityldy.
Aita keteiik, byltyr Sheńgeldide 8050 gektar jer igerilgen.
