Seısenǵazy Chýkaevtyń aıtýynsha, 2020 jylǵa deıin óńirlerdi damytý baǵdarlamasy boıynsha aýdannyń 8 eldi mekenin taza aýyz sýmen qamtamasyz etý úshin 2130 metr jerge sý qubyry tartylyp, 8 qudyq, 2 sý sorǵy ornatylǵan. Al Boran aýylynda, respýblıkalyq búdjet esebinen, uzyndyǵy 33,3 km sý qubyry jelisi salynyp jatyr. Qazirgi ýaqytta qurylysta 14 adam jumyspen qamtylǵan. Sý qubyry júıesi bıyl paıdalanýǵa berilip, 19 adam turaqty jumyspen qamtylady dep kútilýde. Jalpy 2017 jyly aýdan kóleminde qaýipsiz aýyz sýmen 21 eldi meken qamtylǵan.
Aýdan halqyn jumyspen qamtý máselesine de jiti mán berilgen. Kásipkerlerdi qoldaý kartasy aıasynda «GRK MLD» JSHS-niń «Qarshyǵa» mys ken ornynda ken baıytý keshenin ashý josparlanyp otyr. 2018 -2024 jyldar aralyǵynda ken óndeý bastalsa, júzdegen jumys oryny ashylary anyq. Sonymen qatar, 2017 jyly jumysy toqtap qalǵan Buqtyrma balyq ósirý jáne ýyldyryq shashý sharýashylyǵy Aqmol Holdıń kompanıasymen birlesip sharýashylyǵyn qaıta jandandyrdy. Búgingi kúni kásiporynda 47 adam jumys isteıdi.
Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan baǵdarlamasy aıasynda da jańa jumys oryndary ashylyp, memleketten kóterme aqy alyp sharýasyn dóńgelentip otyrǵandar jetkilikti.
– Shekaralyq eldi mekender máselesine beıjaı qaraýǵa bolmaıdy. Bizdiń aýdan shalǵaıda jatyr. Munda halyqty turaqtandyryp qalý mańyzdy másele. Árıne, qalalyq jerge qonys aýdarǵysy keletinder bolady. Biz sol úshin aýylda turyp jatqan halyqqa barlyq jaǵdaıdy jasaýymyz kerek, –dedi aýdan ákimi.
Jergilikti halyqty turaqtandyryp qalý máselesimen qatar, aýdanda basqa aımaqtardan kóship kelgen otbasylarmen halyq sanyn arttyrý da júzege asyrylýda. Máselen, ótken jyly Kúrshimge quramynda 76 adam bar 23 oralman otbasy jáne eńbek kúshi artyq óńirden 1 otbasy kóship kelgen. Olarǵa jolaqy sýbsıdıasy jáne jalǵa berý komýnaldyq qyzmet tóleý shyǵyndary berilgen.
https://dalanews.kz/33561
