سەيسەنعازى چۋكايەۆتىڭ ايتۋىنشا، 2020 جىلعا دەيىن وڭىرلەردى دامىتۋ باعدارلاماسى بويىنشا اۋداننىڭ 8 ەلدى مەكەنىن تازا اۋىز سۋمەن قامتاماسىز ەتۋ ءۇشىن 2130 مەتر جەرگە سۋ قۇبىرى تارتىلىپ، 8 قۇدىق، 2 سۋ سورعى ورناتىلعان. ال بوران اۋىلىندا، رەسپۋبليكالىق بيۋدجەت ەسەبىنەن، ۇزىندىعى 33،3 كم سۋ قۇبىرى جەلىسى سالىنىپ جاتىر. قازىرگى ۋاقىتتا قۇرىلىستا 14 ادام جۇمىسپەن قامتىلعان. سۋ قۇبىرى جۇيەسى بيىل پايدالانۋعا بەرىلىپ، 19 ادام تۇراقتى جۇمىسپەن قامتىلادى دەپ كۇتىلۋدە. جالپى 2017 جىلى اۋدان كولەمىندە ءقاۋىپسىز اۋىز سۋمەن 21 ەلدى مەكەن قامتىلعان.
اۋدان حالقىن جۇمىسپەن قامتۋ ماسەلەسىنە دە ءجىتى ءمان بەرىلگەن. كاسىپكەرلەردى قولداۋ كارتاسى اياسىندا «گرك ملد» ءجشس-نىڭ «قارشىعا» مىس كەن ورنىندا كەن بايىتۋ كەشەنىن اشۋ جوسپارلانىپ وتىر. 2018 -2024 جىلدار ارالىعىندا كەن وندەۋ باستالسا، جۇزدەگەن جۇمىس ورىنى اشىلارى انىق. سونىمەن قاتار، 2017 جىلى جۇمىسى توقتاپ قالعان بۇقتىرما بالىق ءوسىرۋ جانە ۋىلدىرىق شاشۋ شارۋاشىلىعى اقمول حولدينگ كومپانياسىمەن بىرلەسىپ شارۋاشىلىعىن قايتا جانداندىردى. بۇگىنگى كۇنى كاسىپورىندا 47 ادام جۇمىس ىستەيدى.
ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان باعدارلاماسى اياسىندا دا جاڭا جۇمىس ورىندارى اشىلىپ، مەملەكەتتەن كوتەرمە اقى الىپ شارۋاسىن دوڭگەلەنتىپ وتىرعاندار جەتكىلىكتى.
– شەكارالىق ەلدى مەكەندەر ماسەلەسىنە بەيجاي قاراۋعا بولمايدى. ءبىزدىڭ اۋدان شالعايدا جاتىر. مۇندا حالىقتى تۇراقتاندىرىپ قالۋ ماڭىزدى ماسەلە. ارينە، قالالىق جەرگە قونىس اۋدارعىسى كەلەتىندەر بولادى. ءبىز سول ءۇشىن اۋىلدا تۇرىپ جاتقان حالىققا بارلىق جاعدايدى جاساۋىمىز كەرەك، –دەدى اۋدان اكىمى.
جەرگىلىكتى حالىقتى تۇراقتاندىرىپ قالۋ ماسەلەسىمەن قاتار، اۋداندا باسقا ايماقتاردان كوشىپ كەلگەن وتباسىلارمەن حالىق سانىن ارتتىرۋ دا جۇزەگە اسىرىلۋدا. ماسەلەن، وتكەن جىلى كۇرشىمگە قۇرامىندا 76 ادام بار 23 ورالمان وتباسى جانە ەڭبەك كۇشى ارتىق وڭىردەن 1 وتباسى كوشىپ كەلگەن. ولارعا جولاقى سۋبسيدياسى جانە جالعا بەرۋ كوممۋنالدىق قىزمەت تولەۋ شىعىندارى بەرىلگەن.
https://dalanews.kz/33561
