Sharýa: «Júzimge erekshe kútim kerek»
Tólebi aýdany júzim egýge qolaily aimaq. Júzim sharýashylyǵyn júrgizýdi qolǵa alǵan Tasaryq aýylynyń turǵyny Sabyrjan Tanabaev búginde kásibin órkendetip otyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Aýmaǵy 18,6 gektar júzim baýynda turaqty 16 adam, jiyn-terim, egindik maýsymynda 100-ge jýyq adam jumyspen qamtylady. Júzim baýynda búginde jemistiń 4 túri ósiriledi. Olardy kútip-baptaý, dárileý, ziiankesterden qorǵaý úshin profilaktikalyq jumystary turaqty túrde júrgiziledi.
– Júzim ósirý úshin bul salaǵa tolyqqandy kirisý qajet. Sebebi, ony kútip-baptaý isi ekiniń qolynan kele bermeidi. Júzim aǵashy óte názik bolǵandyqtan, oǵan kóp kútim kerek. Eskirip, jaramsyz kúige túsken kóshetterdi qaita almastyryp otyramyn. Kóshetterdi kórshiles Ózbekstannan tapsyryspen aldyramyn, – deidi kásipker.
Shilde, tamyz ailarynda pisip jetilgen júzimderdi arnaiy saýda oryndaryna, bazarlarǵa shyǵaryp, kóterme baǵamen ótkizedi. Jemiske suranys ta kóp. Júzimnen maýsymynda 30-40 tonna ónim alady. Júzimderdi uzaq merzimge saqtap, ony eksportqa shyǵarýdy josparlap otyrǵan qojalyq bul maqsatta alyp tońazytqysh alýdy josparlap otyr.
