شارۋا: «جٷزٸمگە ەرەكشە كٷتٸم كەرەك»
تٶلەبي اۋدانى جٷزٸم ەگۋگە قولايلى ايماق. جٷزٸم شارۋاشىلىعىن جٷرگٸزۋدٸ قولعا العان تاسارىق اۋىلىنىڭ تۇرعىنى سابىرجان تاناباەۆ بٷگٸندە كەسٸبٸن ٶركەندەتٸپ وتىر, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
اۋماعى 18,6 گەكتار جٷزٸم باۋىندا تۇراقتى 16 ادام, جيىن-تەرٸم, ەگٸندٸك ماۋسىمىندا 100-گە جۋىق ادام جۇمىسپەن قامتىلادى. جٷزٸم باۋىندا بٷگٸندە جەمٸستٸڭ 4 تٷرٸ ٶسٸرٸلەدٸ. ولاردى كٷتٸپ-باپتاۋ, دەرٸلەۋ, زييانكەستەردەن قورعاۋ ٷشٸن پروفيلاكتيكالىق جۇمىستارى تۇراقتى تٷردە جٷرگٸزٸلەدٸ.
– جٷزٸم ٶسٸرۋ ٷشٸن بۇل سالاعا تولىققاندى كٸرٸسۋ قاجەت. سەبەبٸ, ونى كٷتٸپ-باپتاۋ ٸسٸ ەكٸنٸڭ قولىنان كەلە بەرمەيدٸ. جٷزٸم اعاشى ٶتە نەزٸك بولعاندىقتان, وعان كٶپ كٷتٸم كەرەك. ەسكٸرٸپ, جارامسىز كٷيگە تٷسكەن كٶشەتتەردٸ قايتا الماستىرىپ وتىرامىن. كٶشەتتەردٸ كٶرشٸلەس ٶزبەكستاننان تاپسىرىسپەن الدىرامىن, – دەيدٸ كەسٸپكەر.
شٸلدە, تامىز ايلارىندا پٸسٸپ جەتٸلگەن جٷزٸمدەردٸ ارنايى ساۋدا ورىندارىنا, بازارلارعا شىعارىپ, كٶتەرمە باعامەن ٶتكٸزەدٸ. جەمٸسكە سۇرانىس تا كٶپ. جٷزٸمنەن ماۋسىمىندا 30-40 توننا ٶنٸم الادى. جٷزٸمدەردٸ ۇزاق مەرزٸمگە ساقتاپ, ونى ەكسپورتقا شىعارۋدى جوسپارلاپ وتىرعان قوجالىق بۇل ماقساتتا الىپ توڭازىتقىش الۋدى جوسپارلاپ وتىر.
