اۋماعى 18،6 گەكتار ءجۇزىم باۋىندا تۇراقتى 16 ادام، جيىن-تەرىم، ەگىندىك ماۋسىمىندا 100-گە جۋىق ادام جۇمىسپەن قامتىلادى. ءجۇزىم باۋىندا بۇگىندە جەمىستىڭ 4 ءتۇرى وسىرىلەدى. ولاردى كۇتىپ-باپتاۋ، دارىلەۋ، زيانكەستەردەن قورعاۋ ءۇشىن پروفيلاكتيكالىق جۇمىستارى تۇراقتى تۇردە جۇرگىزىلەدى.
– ءجۇزىم ءوسىرۋ ءۇشىن بۇل سالاعا تولىققاندى كىرىسۋ قاجەت. سەبەبى، ونى كۇتىپ-باپتاۋ ءىسى ەكىنىڭ قولىنان كەلە بەرمەيدى. ءجۇزىم اعاشى وتە نازىك بولعاندىقتان، وعان كوپ كۇتىم كەرەك. ەسكىرىپ، جارامسىز كۇيگە تۇسكەن كوشەتتەردى قايتا الماستىرىپ وتىرامىن. كوشەتتەردى كورشىلەس وزبەكستاننان تاپسىرىسپەن الدىرامىن، – دەيدى كاسىپكەر.
شىلدە، تامىز ايلارىندا ءپىسىپ جەتىلگەن جۇزىمدەردى ارنايى ساۋدا ورىندارىنا، بازارلارعا شىعارىپ، كوتەرمە باعامەن وتكىزەدى. جەمىسكە سۇرانىس تا كوپ. جۇزىمنەن ماۋسىمىندا 30-40 توننا ءونىم الادى. جۇزىمدەردى ۇزاق مەرزىمگە ساقتاپ، ونى ەكسپورتقا شىعارۋدى جوسپارلاپ وتىرعان قوجالىق بۇل ماقساتتا الىپ توڭازىتقىش الۋدى جوسپارلاپ وتىر.
