Aıta ketelik, byltyrǵy jyldan bastap Túrkistan oblysyndaǵy shardaralyq dıqandar ınovasıalyq ádispen pıaz egý jumystaryn bastap ketti.
Sonyń biri 5 jyldan beri pıaz egý jumysymen aınalysyp kele jatqan «Turar» sharýa qojalyǵy bıylǵy jyly 35 gektar alqapqa dán sepken eken. «Ranko» dep atalatyn jańa tuqym sortyn egip jatqan dıqandar bıylǵy jyl jemisti boldy deıdi. Ótken jyly sharýalar ekken pıazdyń gektaryna 80 tonnadan ónim alsa, bıyl gektaryna 100 tonnadan astam ónim alǵan eken.
Aıta keteıik, dıqandar pıaz tuqymyn bir mezette birneshe jumysty atqaratyn jańa zamanaýı tehnıkamen sepken. Iaǵnı, tehnıka, birinshiden arasy 3 sm-den tuqym tastasa, ekinshiden, tamshylatyp sýǵaratyn sý tútigin qosa kómýde. Sondaı-aq, bir gektar jerge 6 kelideı tuqym ketse, joǵary sortty tuqymnyń bir kelisi 64 myń teńge turady. Jerdi jyrtýdan bastap, jıyn-terim naýqanyna deıingi jalpy shyǵynnyń kólemi ár gektarǵa 1 mln. 300 myń teńgeden jumsalady eken. Alaıda, túsken ónim ketken shyǵyndy eselep jabady deıdi dıqandar.
