Shardarada balyq óndirý isi damyp keledi
Atalǵan jospar aiasynda óńirde taýarly balyq sharýashylyǵyn ashý josparlanýda. Atqarylǵan jumystyń nátijesinde balyq óndirý kólemi úsh jylda eki esege ulǵaiyp 3800 tonnadan 8 myń tonnaǵa jetip, óndirilgen ónim Eýropa elderine eksporttaýdy kózdeidi. Bul baǵyttaǵy jumystardy qoldaý úshin «Maksimým» aimaqtyq investitsiialyq ortalyǵy» 400 mln. teńge qarjy qarastyrǵan.
‒ Balyq ósiremin dep niet bildirgen árbir kásipkerge bes jyl merzimge jeńildetilgen paiyzben nesieler berilgeni jón. Buǵan deiin oblystyq biýdjetten balyq azyǵynyń qunyn arzandatýǵa 300 mln. teńge sýbsidiia bólinedi. Osylaisha oblysta balyq sharýashylyǵy jandanyp keledi, ‒ deidi sala mamandary.
Shardara qalasynda ornalasqan «Hamit» STK balyq óńdeý zaýyty men 387 gektar aýmaqty alyp jatqan balyq tálim baǵynda bar. Zaýyt basshysy balyqty qabyldap alý, tazalaý, balyq filesin muzdatyp, daiyn ónimdi qoraptarǵa salý syndy protsestermen tanystyrdy.
Búgingi tańda Shardaradaǵy «Hamit» STK jáne «Shardara – 1» balyq óńdeý zaýyttary jumys jasaidy. Bul eki kásiporyn jylyna 3600 tonnaǵa deiin ónimin óndiretin múmkindigi bar. Budan bólek ÚIIDB aiasynda 2 shaǵyn balyq zaýyty men bir balyq óńdeý tsehynyń qurylysy júrýde. Osy nysandar iske qosylǵan jaǵdaida qosymsha jylyna 700 tonna balyq óndirilip, 85 jańa jumys orny ashylmaq. Búginde Shardara sý qoimasynda balyqty torly sharbaqta ósirý ádisin qolǵa alýda.
