اتالعان جوسپار اياسىندا وڭىردە تاۋارلى بالىق شارۋاشىلىعىن اشۋ جوسپارلانۋدا. اتقارىلعان جۇمىستىڭ ناتيجەسىندە بالىق ءوندىرۋ كولەمى ءۇش جىلدا ەكى ەسەگە ۇلعايىپ 3800 توننادان 8 مىڭ تونناعا جەتىپ، وندىرىلگەن ءونىم ەۋروپا ەلدەرىنە ەكسپورتتاۋدى كوزدەيدى. بۇل باعىتتاعى جۇمىستاردى قولداۋ ءۇشىن «ماكسيمۋم» ايماقتىق ينۆەستيسيالىق ورتالىعى» 400 ملن. تەڭگە قارجى قاراستىرعان.
‒ بالىق وسىرەمىن دەپ نيەت بىلدىرگەن ءاربىر كاسىپكەرگە بەس جىل مەرزىمگە جەڭىلدەتىلگەن پايىزبەن نەسيەلەر بەرىلگەنى ءجون. بۇعان دەيىن وبلىستىق بيۋدجەتتەن بالىق ازىعىنىڭ قۇنىن ارزانداتۋعا 300 ملن. تەڭگە سۋبسيديا بولىنەدى. وسىلايشا وبلىستا بالىق شارۋاشىلىعى جاندانىپ كەلەدى، ‒ دەيدى سالا ماماندارى.
شاردارا قالاسىندا ورنالاسقان «حاميت» ستك بالىق وڭدەۋ زاۋىتى مەن 387 گەكتار اۋماقتى الىپ جاتقان بالىق ءتالىم باعىندا بار. زاۋىت باسشىسى بالىقتى قابىلداپ الۋ، تازالاۋ، بالىق فيلەسىن مۇزداتىپ، دايىن ءونىمدى قوراپتارعا سالۋ سىندى پروسەستەرمەن تانىستىردى.
بۇگىنگى تاڭدا شارداراداعى «حاميت» ستك جانە «شاردارا – 1» بالىق وڭدەۋ زاۋىتتارى جۇمىس جاسايدى. بۇل ەكى كاسىپورىن جىلىنا 3600 تونناعا دەيىن ءونىمىن وندىرەتىن مۇمكىندىگى بار. بۇدان بولەك ءۇييدب اياسىندا 2 شاعىن بالىق زاۋىتى مەن ءبىر بالىق وڭدەۋ سەحىنىڭ قۇرىلىسى جۇرۋدە. وسى نىساندار ىسكە قوسىلعان جاعدايدا قوسىمشا جىلىنا 700 توننا بالىق ءوندىرىلىپ، 85 جاڭا جۇمىس ورنى اشىلماق. بۇگىندە شاردارا سۋ قويماسىندا بالىقتى تورلى شارباقتا ءوسىرۋ ءادىسىن قولعا الۋدا.
