ShQO áielder isteri jáne otbasylyq-demografiialyq saiasat komissiiasynyń ujymy Ana men bala ortalyǵyna bardy.Ujym náresteli bolǵan analardy quttyqtap, gúl shoqtaryn tabystap, jyly lebizderin bildirdi,dep habarlaidy Dalanews.kz ustinka.kz saityna silteme jasap.
Máselen, birer kún buryn Kúrshim aýdanynyń týmasy Jansaia Eginbaevanyń tórtinshi perzenti dúniege kelgen. Al búgin ana men bóbegi úilerine shaǵaryldy.
Ailardyń sultany qasietti Ramazan aiynda dúniege kelgen ulymyzdyń esimin Sultan dep qoidyq. Sultan shańyraǵymyzdaǵy tórtinshi bala. Ana men bala ortalyǵy dárigerleriniń baqylaýymen jeńil bosanyp, aman-esen úige shyǵyp baramyz, - deidi Jansaia Eginbaeva.
Ahmer aýylynda turatyn Jadyra Qumarhanova da qyzy Aiymmen birge úiine asyǵyp barady. Komissiia músheleri ony da quttyqtap, hal-jaǵdaiyn surap, syilyqtaryn tabystady.
Komissiia músheleri Naýryz meiramyn atap ótýdiń jańa tujyrymdamasyna sáikes, 10 kún boiy túrli sharaǵa belsene qatysyp júrmiz. Mundai bastama tek qala kóleminde emes, aýdandar deńgeiinde de jalǵasyp jatyr. "Shańyraq" kúni qarsańynda bóbek súigen ár otbasyǵa tek baqyt tileimiz. Januiadaǵy qundylyqtar qashan da mańyzdy, - dedi oblystyq áielder isteri jáne otbasylyq-demografiialyq saiasat komissiiasynyń múshesi Aiaýjan Tursynbekqyzy.
Aita keteiik, komissiia jumysynyń maqsaty - otbasyndaǵy zorlyq-zombylyqty boldyrmaý jáne analar men balalarǵa qoldaý kórsetý.
