- Árine, aityp otyrǵandaryńyzdai, bul mańǵa kópir salý qajet. Alaida, týra sol aradan jol ótkelin salý úshin 70-ke jýyq jekemenshik úi men 2 janar-jaǵar mai quiý stantsiiasyn buzý qajet. Bul - biýdjetke úlken salmaq. Sondyqtan bul temirjol ótpesi arnaiy dabyl qurylǵylarymen jabdyqtalyp qana qoimai, sonymen qatar kólikterdiń júrýine múmkindik bermeitin qosymsha tosqaýyldar da qoiylǵan, - dep túsindirdi ministr.
Onyń aitýynsha, kelesi jyly ótpeli kópir qurylysy jospar boiynsha qolǵa alynbaq, alaida ol oqys oqiǵa oryn alǵan jerden salynbaidy.
- Kishkene árirek. Sonda kóp úi súrýge jatpaidy. Biz eki jyl buryn osy jerden 7 shaqyrymdyq jol qurylysyn aiaqtaǵanymyzdy atap ótkim keledi. Bul – Eltai eldi-mekeni. Biz jol ótpelerin salyp, sonyń esebinen eki kólik jolyn qiyp ótetetin baǵytty japtyq. Biz osylaiynan máseleni sheship, mundai jumysty jalǵastyra beremiz, - dedi ol.
Jalpy alǵanda, onyń aitýynsha, respýblikalyq mańyzy bar joldarda 11 ótkel salý josparlanǵan.
QR Indýstriia jáne infraqurylymdardy damytý ministri keltirgen derekke súiensek, jalpyǵa birdei qoldanystaǵy kólik joldaryn qiiatyn elimizdegi mundai 1000-ǵa jýyq temirjol ótpesi bar eken.
- Respýblikalyq joldar boiynda 139 osyndai temirjol ótpesi bar. 2018 jyly osyndai ótkelderde 9 jol apaty bolyp, eki adam qaitys boldy, 20 adam jaraqat alǵan. Al biylǵy jyldyń 8 aiynda, onyń ishinde búgingi jaǵdaidy qosyp alǵanda bul - altynshy jazataiym oqiǵa boldy: 1 adam qaza taýyp, 15 adam jaraqat aldy. Biz bul jaǵdaida qosymsha qaýipsizdik sharalaryn qabyldaýǵa bar kúshimizdi salamyz, - dep qorytyndylady óz sózin Roman Skliar.
