- ارينە، ايتىپ وتىرعاندارىڭىزداي، بۇل ماڭعا كوپىر سالۋ قاجەت. الايدا، تۋرا سول ارادان جول وتكەلىن سالۋ ءۇشىن 70-كە جۋىق جەكەمەنشىك ءۇي مەن 2 جانار-جاعار ماي قۇيۋ ستانسياسىن بۇزۋ قاجەت. بۇل - بيۋدجەتكە ۇلكەن سالماق. سوندىقتان بۇل تەمىرجول وتپەسى ارنايى دابىل قۇرىلعىلارىمەن جابدىقتالىپ قانا قويماي، سونىمەن قاتار كولىكتەردىڭ جۇرۋىنە مۇمكىندىك بەرمەيتىن قوسىمشا توسقاۋىلدار دا قويىلعان، - دەپ ءتۇسىندىردى مينيستر.
ونىڭ ايتۋىنشا، كەلەسى جىلى وتپەلى كوپىر قۇرىلىسى جوسپار بويىنشا قولعا الىنباق، الايدا ول وقىس وقيعا ورىن العان جەردەن سالىنبايدى.
- كىشكەنە ارىرەك. سوندا كوپ ءۇي سۇرۋگە جاتپايدى. ءبىز ەكى جىل بۇرىن وسى جەردەن 7 شاقىرىمدىق جول قۇرىلىسىن اياقتاعانىمىزدى اتاپ وتكىم كەلەدى. بۇل – ەلتاي ەلدى-مەكەنى. ءبىز جول وتپەلەرىن سالىپ، سونىڭ ەسەبىنەن ەكى كولىك جولىن قيىپ وتەتەتىن باعىتتى جاپتىق. ءبىز وسىلايىنان ماسەلەنى شەشىپ، مۇنداي جۇمىستى جالعاستىرا بەرەمىز، - دەدى ول.
جالپى العاندا، ونىڭ ايتۋىنشا، رەسپۋبليكالىق ماڭىزى بار جولداردا 11 وتكەل سالۋ جوسپارلانعان.
ق ر يندۋستريا جانە ينفراقۇرىلىمداردى دامىتۋ ءمينيسترى كەلتىرگەن دەرەككە سۇيەنسەك، جالپىعا بىردەي قولدانىستاعى كولىك جولدارىن قياتىن ەلىمىزدەگى مۇنداي 1000-عا جۋىق تەمىرجول وتپەسى بار ەكەن.
- رەسپۋبليكالىق جولدار بويىندا 139 وسىنداي تەمىرجول وتپەسى بار. 2018 جىلى وسىنداي وتكەلدەردە 9 جول اپاتى بولىپ، ەكى ادام قايتىس بولدى، 20 ادام جاراقات العان. ال بيىلعى جىلدىڭ 8 ايىندا، ونىڭ ىشىندە بۇگىنگى جاعدايدى قوسىپ العاندا بۇل - التىنشى جازاتايىم وقيعا بولدى: 1 ادام قازا تاۋىپ، 15 ادام جاراقات الدى. ءبىز بۇل جاعدايدا قوسىمشا قاۋىپسىزدىك شارالارىن قابىلداۋعا بار كۇشىمىزدى سالامىز، - دەپ قورىتىندىلادى ءوز ءسوزىن رومان سكليار.
