قازاقتىڭ بەلگٸلٸ ەنشٸسٸ, "اقبايان" اتانعان مارقۇم مەدينا ەراليەۆانىڭ ۇلى ارسەن ەراليەۆ اناسىنىڭ قايتىس بولعانىن قالاي ەستٸگەنٸن ايتىپ بەردٸ. ول ارادا قانشا جىل ٶتسە دە, سول كٷننٸڭ اۋىر ەستەلٸكتەرٸ جادىنان ٶشپەگەنٸن جەتكٸزدٸ, دەپ حابارلايدى dalanews.kz.
ارسەن ەراليەۆ "استارلى اقيقات" باعدارلاماسىندا اناسىنىڭ ٶمٸردەن ٶتكەن سەتٸن ەسكە الىپ, جان سىرىن اقتاردى.
ونىڭ ايتۋىنشا, 2000 جىلدىڭ قاراشا ايىندا بولعان قايعىلى وقيعا ٶمٸرٸن تٷبەگەيلٸ ٶزگەرتكەن. اناسىنىڭ قازاسى تۋرالى حاباردى وعان بەلگٸلٸ ەنشٸ ناعيما ەسقاليەۆا مەن جاقىن تانىستارى جەتكٸزگەن.
"2000 جىلدىڭ قاراشا ايى ەلٸ كٷنگە دەيٸن ەسٸمدە. ناعيما ەسقاليەۆا مەن انامنىڭ دوستارى سالمان مەن الەكسەي كەلٸپ, انامنىڭ ٶلٸمٸن ەستٸرتتٸ. باسىندا سەنبەدٸم. ٶڭ مەن تٷس اراسىندا جٷرگەندەي بولدىم. ٷيگە ادامدار جينالا باستادى. بٷكٸل ەنشٸلەر, تۋىسقاندار كەلە باستادى", – دەدٸ ارسەن ەراليەۆ.
ول قارالى حاباردى ەستٸگەن العاشقى سەتتە بولعان جاعدايعا سەنە الماعانىن ايتتى. كەيٸن ٷيٸنە تۋىستارى مەن ٶنەر ادامدارى جينالا باستاعان.
ارسەن ەراليەۆ اناسىنىڭ دەنەسٸن الىپ كەلۋ ٷشٸن قىزىلوردا وبلىسىنا ارنايى بارعانىن دا ەسكە الدى.
"سوسىن بٸز قىزىلوردانىڭ بايقوڭىر ٶڭٸرٸنە چارتەرلٸك رەيسپەن ۇشىپ كەتتٸك. انامنىڭ دەنەسٸن سول جەردەن ٶزٸم الىپ كەلدٸم. ەلٸ كٷنگە دەيٸن انامنىڭ كٷشٸن سەزەمٸن. ول مەنٸ ەردايىم جەلەپ-جەبەپ جٷرەدٸ. ۋاقىت ٶتكەن سايىن ساعىنا بەرەمٸن", – دەدٸ ول.
ەنشٸنٸڭ ۇلى جىلدار ٶتكەن سايىن اناسىنا دەگەن ساعىنىشى كٷشەيە تٷسەتٸنٸن جاسىرمادى. ونىڭ سٶزٸنشە, مەدينا ەراليەۆانىڭ رۋحاني قولداۋىن ەلٸ كٷنگە دەيٸن سەزٸنەدٸ.
مەدينا ەراليەۆا كٸم?
مەدينا ەراليەۆا – قازاق ەستراداسىنىڭ بەلگٸلٸ ەنشٸسٸ, قازاقستاننىڭ ەڭبەك سٸڭٸرگەن ەرتٸسٸ. ول حالىق اراسىندا "قازاقتىڭ اقبايانى" دەگەن اتپەن تانىلعان.
ەنشٸ ۇلتتىق ەن ٶنەرٸندەگٸ ٶزٸندٸك ورىنداۋشىلىق مەنەرٸمەن جەنە ەرەكشە داۋىسىمەن كٶپشٸلٸكتٸڭ ىقىلاسىنا بٶلەنگەن.
مەدينا ەراليەۆا 2000 جىلدىڭ قاراشا ايىندا جول-كٶلٸك وقيعاسى سالدارىنان ٶمٸردەن ٶتتٸ.
ٶنەر يەسٸنٸڭ مەزگٸلسٸز قازاسى قازاق ٶنەرٸ ٷشٸن اۋىر قايعى بولدى. ونىڭ ورىنداۋىنداعى ەندەر كٷنٸ بٷگٸنگە دەيٸن تىڭدارمان جادىندا ساقتالىپ كەلەدٸ.
